Yeremi 6:7 - BII BILA

⁷ Maa mɛɛ soon kólaa soli mɛnndan vasu-vasu yɛ, lende o soli dɛnɛ ndɔ vɔɔndo vasu-vasu ni. Vana tui sɔɛi celen ndon te, fɔ vannda saangiaa a dɛnɛ vɔɔndo tosaa, ɲɛ ya co cɔu lɔ́ɔ́-lɔ́ɔ̀-o co ɲɛ nɛyaa a boolɔnndan ni.

Yeremi 6:7 Referans Kwoze

Esekiɛl 7:23

Bɛɛndiaa yɔlɔn, kani lɛŋnden le pɛ a dɛnnda kɔlvesɛilan, kobio pɛ a delɔɔcoo.

Esekiɛl 7:11

Dɛnɛ vɔɔndo cɛn mó siŋnun siondoole kɔlvesɛi len. Ɲɛ-ɲɛ lo lɛnin o nda tɛɛn te. Ɲɛ-ɲɛ lo lɛnin o bɔɔluu vɔkɔ-vɔkɔ ndaa nin te, ɲɛ-ɲɛ lo lɛnin o sɛ́lɛ́ nda kaakuu kon tɛɛn te! Vana co koŋul nda coo le.

Yeremi 20:8

Kani lɔ́ɔ́-lɔ́ɔ̀ ya va pɛ sɔɛi, mɛɛ mì yonda aa: ‹Delɔɔ coo! Kɔlvesɛiyo!› A toɲa, vannda co mamɔɔ, mà va ya yeolan lepalaa-lepala le sɔɛi nɔmnde, nɔm Mɛlɛka-e pɛɛn.

Esai 57:20

Kɛ vanaa kɔlvesɛiya nda nda, maa mɛmma ihɛlma co hiilɔnndo, mà nɔla simndan yili le-an nda co ni, maa mɛmma ihɛlma co yeelioo a loolio kaaliaa-an.

Esekiɛl 24:7

Kani kooma vanaa o diw-va ma co vɔ ceen déŋ, o pow bandíláà coo kpendekele o taaliaa man ni, o sɛŋi man o lɛŋnde muungu coo mì maa mɔɲamɔɲa o cundoo nin te.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Yeremi 30:12

O Mɛlɛka dimi-o co hoo ni aa: «Dɛnɛ palaa nɔmndo nɔ danda le, yɔŋulɔn nɔmndo singu le.

Yeremi 30:13

Vana-vana co nɔm ahɔl mulul te. A dema boolɔnndan cɛw, kɛ nɔm nɔm, o nɔmndo nɔ makòó le.

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Esekiɛl 45:9

Nuaa Maalii Hala dimi ni aa: «Niaa simlacia Israɛl sei, la hiow ba dɛ! La pɛngi nin kɔlvesɛiyo a delɔɔcoo ho tosaa! La tosa nin sakpoyɛi a dɛnɛ sandaa! Mbɔ̀ la pɛngi nin vanaa nia yondola ndalan poondiaa o laba! Ya Maalii, ya co Mɛlɛka-o soo nuaa ni.

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Yeremi 30:15

Le yɛɛ nɛ n co yɛ caŋndo a dɛnɛ palaa, le ɲɛ kindilaa cuunin nɔm kuee loo? Kani le tùú tɛɛmbuula nɔmndan la co sɛ́lɛ́, mì hakila nɔmndan la vɔw taw-vo ya tosal nɔm lende ni.

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Sofoni 3:1

«Ndu kobi delɔɔ coo pɛ hoo nin-ndo, dɛnɛ palaa co ndu cum, kobi vanaa nila kalua a vanaa lakafaa co hoo nin-ndo pɛɛn.