Yeremi 6:6 - BII BILA

⁶ Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Yeremi 6:6 Referans Kwoze

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Luke 19:43

Palɛi dɛnɛ palɛi co niaa laci, yaamɔaa niaa co niaa hinul, mà tiila niaa, mà luei niaa o píŋndo nin, mà balu niaa nɛɛ-nɛɛ ka.

Esai 37:33

Le hee, tuei-yɔ diomnda Mɛlɛka dimi a masaa Asiri o kɔɔ lan: «O lueinin o kobio ho nin te. O vuunin kɔɔn lenin te. O cɔmnin ndu kɔ̀ɔ̀la cɔwlan te. O beŋnin kungala-saasalan le kobio ho biyɔɔ le.

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Yeremi 33:4

Kani diom Mɛlɛka, Hala Israɛlla dimi le cɛila kobio ho a cɛila masaa Yuda, la nda co hunɔɔ pesi mà koombiaa a mɔɛi cɔwve lan-ndo co hoo ni aa:

Esekiɛl 4:2

O kon kɔɔli, a handu fondaa ndu o hɔl-ndɔ le ndu tiilaa. Mà tow soonndan, mà handu kpengbalan le helɔɔ o kpakio le ndu cɔlɔbaa, mà toosiaa piŋndan ndu balɔɔ sɔ́, mà handu dɔ́ɔ́ngɔ́la cɔwlan ndu o hɔl-ndɔ, mà tuula ciliŋii balamaniei, mà simi ndi o kobi kalaa balɔɔ pindo le ndu cɔlɔbaa.

Esekiɛl 5:5

Nuaa Maalii, o co Mɛlɛka-o dimi ni aa: «Kpalo Yerusalɛmnda co kon ni! Yáà kɛsi Yerusalɛmnda vanaa-mangalaa-isɔɔa tɛɛn déŋ, o lɛŋii va ndu ibalaa pindo-e coo.

Daniɛl 11:15

Masaa a ba luaŋ-ndo hunnin, mò tangul nɛiyo a powtan háá o kpakio bollen, mó del kobi nda kunga a kpakio-o coo. Vanaa cɔwva a ba too a nɔlanin ndu simullo le, kani kpaaya ndaa venin o bɔɔ le ndu simullo le.

Sofoni 3:1

«Ndu kobi delɔɔ coo pɛ hoo nin-ndo, dɛnɛ palaa co ndu cum, kobi vanaa nila kalua a vanaa lakafaa co hoo nin-ndo pɛɛn.

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 20:8

Kani lɔ́ɔ́-lɔ́ɔ̀ ya va pɛ sɔɛi, mɛɛ mì yonda aa: ‹Delɔɔ coo! Kɔlvesɛiyo!› A toɲa, vannda co mamɔɔ, mà va ya yeolan lepalaa-lepala le sɔɛi nɔmnde, nɔm Mɛlɛka-e pɛɛn.

Yeremi 39:1

Vɔsi Sedekia suili vɔsilan laŋɔmahiɔɔlu o masalen coo Yuda-o, o paangii tɔ́ndɔɛi nin, mí Nebukanɛsar masaa Babilɔn hun a vanaa ndɔa cɔwva kpede. Má tiila Yerusalɛm.