Yeremi 6:5 - BII BILA

⁵ La cɔn mì n kuelnun nda cɔɛllɛn, mì n tɛɛmbun cɛila lemasala ndalan.»

Yeremi 6:5 Referans Kwoze

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.

Sakari 11:1

«Niaa vanaa co Liban-nda, la kumbi diola niaalan, mì yinnden le luɛi, mì le lom yɔmii sɛɛdrei.

Amɔs 2:5

Lelan, i co yinnden malɔɔ mì le lom tàndá Yuda-o, mì le lom vɛlɛ cɛila lemasalan Yerusalɛm.»

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Abdia 1:1

Vundule Maalii Hala cɔm Abdia len, sɔɛi o cɔm ndu a tambii Edɔm-nde o kɔɔ-e. «N tuei yoongu Mɛlɛka-o, o kiilaa pum co vanaa-mangalaa-isɔɔa tɛɛngullo-o aa: ‹La cɔn mì n kɔ delnun Edɔm coo a cɔwvo!›

Yeremi 52:7

mí Babilɔnnda buli tɛɛngei o kpaki va kobio balɔɔ-o. A balɔɔ Babilɔnnda ndáà balu kon kobio sɔ́-o, ɲumndan tolɔɔ, mí vanaa cɔvaa Yudaa ɲaanun, má mal kobio, má kei a dio-pɔmbɔ va o kpakila tiɔnndan tɛɛn a kpengii nakɔ masaa-o. O kon kɔɔli, má bii nɛi óò kɔɛ a ba bóllo Yurdɛn-ndo.