Yeremi 6:26 - BII BILA

²⁶ «Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Yeremi 6:26 Referans Kwoze

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Yeremi 4:8

Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Luke 7:12

Telen o tiiya o dio luɛyaa kobi kon ikɛi-yo, mí vannda a va kɔlan vana vilɔɔ kumbɔɔ. Pole pilɛle vuɛɛn pɔnɔ ndɔ vi-o va kon ni. Vanaa va o kobi kon nin-nda a va vuɛɛn kalaa ikɛi sɛ́lɛ́ bɛndoo.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Cɛɛŋɔnnda Yeremi lan 4:10

Hali a kaola vialaa vanlaandua nɔ-o kpow, nda pila co cuavaa ndaa yawvo le dioo, le dɛnɛ palaa bɛndu tol nda coo-o.

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Cɛɛŋɔnnda Yeremi lan 4:3

Hali tivolla, mà soli mɛɛyan le cuavaa ndaa vɔɛsio. Kɛ vanaa nia siŋnun vanaa kɔlvesɛiya maa soninkɔnɔa co o lɛŋnde veselɛilen nin-nda.

Cɛɛŋɔnnda Yeremi lan 3:48

Mɛmɛan ma co ya tolɔɔ maa mɛmma pee pɔmbɔ, le kpundɛ tol vanaa nia coo-o.

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Yeremi 15:8

Mí kui vanlaandua piaandaa ndaa vi-a hiovɔɔ mɛɛ sióónndon co o mɛmma ihɛllan kɔngɔ yɛ. Mí cuu vana tɛɛmbua, mó del kalaa kuubanɔ cɔw felengoo coo. O ve kɔl te, mí tuisi ndu dɛnɛ palaa coo, mí luei ndu o kɔndɔfillo nin.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 8:21

Sanga bɛndoo co vanaa nia coo, mɔnɛi co ya o kɔl, diallon n vi ya.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 4:11

Paale len, Mɛlɛka dimulnin vanaa kan a Yerusalɛmnda aa: «Hoeyii tuwve co hɔŋndo o pembun co o lɛŋnde veselɛilen nin-ndon coo, i bii nɛiyo hunɔɔ o vanaa nia lo, o co hoeyii hɛyaa n'kul le mun dindi le.

Esai 32:11

Lelan, la ɲiiya a siòònde, niaa vanlaandua buulan te-a! La yɔŋnun yoloma-yoloma, niaa vanlaandua saalan haa isɔɔ le-a! Niaa pila yungan, la solin volɔɔlan lekɔɔ, la lo tumnda fondo mì la kandan caŋnda!

Esai 30:13

haki kon siŋnunnin le niaa maa mɛɛ tɛɛngei buli o kpaki vilɛiyo nuaa yɛ. Te tɛɛngei buli dɔ́ɔ́ pɛ, i cɔɔlu townɔn taw, o kon kpaki kon hiilun dɔ́ɔ́ vooku-vooku, o komba vuluvulu.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

O Kandɔɔ 21:16

mó kɔ calnun lándán. Nɛɛ o mɛi po ndɔɔ-a a nɛɛ o va icali-a, ɲɔɔ va bandei maa le dunndo kɛmɛ lediin. Kani nuaa ndóò dimi ni aa: «I yeema mì ce po nuu o piɔ́mndo le.» Le hee, mó kɔ calnun kpengei pilɛi, mó va hiilaa a caŋndo coocoo.

SƐBƐ YƆB-O 2:8

Mí Yɔb cua tɛndula kpɛɛnɛi puululan le ɲɛɛsɔnndo a lan, mó cal o pultan nin.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 18:22

Màá yeelan la va sɔɛi o la nda lo cɛilan nin, telen n solulnin nda vanaa del vannda coo, mà del nda coo-o! Kani a co bɛɛndianndo le ya biyɔɔ, a cii yaŋɔɔlen handɔɔ ya laci.

Cɛɛŋɔnnda Yeremi lan 3:16

O tosa mí yimi ciŋndon o tɛnɔ̀ɔ́ coo, mó nɛw ya o pultan nin.

Yonas 3:6

Tuma masaa Ninive sina dɛnɛ kon-ndo, mó can o kpɛŋɛ ndɔ lemasaa coo, mó hulu doma ndɔ lemasaa, mí ndu pila bɛɛ vownun volɔɔla dɛnɛ palaalan, mó cal o pultan nin.

SƐBƐ YƆB-O 15:21

Ɲɛm vueinanndon co sɔɛi ndu o lani. Tuma o vànnùn o kɔlɲuloo nin-ndo, vana tɛɛmbua kuel ndu.

Esai 3:24

O kon, cun kɛndɛ malasikɔlɔ ve lɛnin fula le, fɔ cun vɔɔn ɲɛ siovɛiyo. A yiinun ndɛnin ikolacoo le, fɔ yoei fondoei. A nɔ lɛnin lavɔɔ kɛndɛ o lebol te, fɔ tembeltan. A nɔ lɛnin volɔɔla cuɛinannda sɔvɛ le, fɔ yalala yuululan. A niŋ ndɛnin tofa le, a vanin a vɔɔn koloɲan!»

Yeremi 30:5

O Mɛlɛka dimi-o co hoo ni aa: «N co ivóólun-vóólunnde tueyɔɔ. Siòònde ni, o co dɛnɛ kɔlɲulu le.