Yeremi 6:25 - BII BILA

²⁵ La kɔa o yondolan nin te, la fula o nɛilan coo le, kani yaamɔɔ co lon a mɔɛi cɔwve o ba, siòònde bii vannda taw nɛɛ-nɛɛ ka.»

Yeremi 6:25 Referans Kwoze

Yeremi 49:29

La cua cɛila-kolala-toandaala ndalan a cɔlua ndaa. La cua cɛila ndalan a volɔɔla ndalan, mì la kɔɛnnun a ɲɔɔmɛɛa ndaa, mì la yondola nda aa: «Siòònde tiw ba-ba fee!»

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Condii lisai 31:13

A pɔɛɛnun ya o yiyannda ndalan nin mɛɛ vana pɔɛɛnun sɔɛi vana vílɛ́iyo yɛ, i siŋnun ɲɛ vana nɔ lɛ mako loo.

SƐBƐ YƆB-O 18:11

Nɛɛ-nɛɛ fee a vanin vooloo taw a siòònde, siòònde vanin kelaa ndu kɔɔli.

Luke 19:43

Palɛi dɛnɛ palɛi co niaa laci, yaamɔaa niaa co niaa hinul, mà tiila niaa, mà luei niaa o píŋndo nin, mà balu niaa nɛɛ-nɛɛ ka.

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Yeremi 4:10

Mí yonda aa: «Éé! Maalii Hala, a kei vannda ha a Yerusalɛmnda baa o mundu, má dimul nda aa la sɔlanin kɔlɲuloo, nduyɛ, cɛɛluuo tuŋ mɔɛi cɔwve co nda ni.»

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Esai 1:20

Kɛ te la simul-la pɛ mì la siŋnun vanaa nila kalua, mɔɛi cɔwve co niaa cii diw kpede. Ya Mɛlɛka o sondo sɔɔn mun co fulaa ni.»

2Dɛnnda lemasalan 15:5

O telen kon nin, vana-vana ve nila ɲulu le, kani vanaa va o lɛŋnde kpow nin-nda va a kɔlta yulan-yulanndan.

Yeremi 30:5

O Mɛlɛka dimi-o co hoo ni aa: «N co ivóólun-vóólunnde tueyɔɔ. Siòònde ni, o co dɛnɛ kɔlɲulu le.

Yeremi 46:5

Yɛɛ ya co yɛ cɔu ho nuaa? Siòònde bii nda, a co muungoo a makɔɔ. A nɔla vanpiaandua dialun fulaa, a sɔɔndian a kiltan, vana-vana co tofan kɔɔli le. Kɔltan la laasian nda nin kpow. Sɔɛi fula Mɛlɛka o sondo-e co ken ni.

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»

Yeremi 8:15

Kɔlɲuloo naa n va kɔl ni, kɛ dɛnɛ kɛndɛ kɛ́-kɛ̀ co naa komal te. Siongɔɔ naa n yeema ni, kɛ dɛnɛ palaa sii co hiyanndo ni!

Yeremi 49:5

Lelan, Maalii Mɛlɛka-Nɔ-Kpaayaa-Kpow-vo dimi aa: ‹I co kɔl yulan-yulanndo luei o niaa lo, mò cɛn ba-ba fee mò balu niaa. La sɔlanin tovɔɔ mì vana-vana ɲaanun ndu pila laci. Vana venin le vanaa vanin kan ɲaanɔnndo-a mɔɔsiaa le.

Esekiɛl 7:18

A vownunnin volɔɔla yuululan, misimisio biinin nda má ɲiiya. Siɛmbulan la biinin nda kpow, a sendinnin tembeltan kpede.

Esekiɛl 21:17

Lelan, nɔm Po vanacieo, koŋul mà hiila hiko-hiko! Kani vanaa nia mɔɛi cɔwve he hinul nuaa ni, le simlacia Israɛlla cɔlɔbaa. Simlacia kan sɔlanin piɔ́mndo nda vanaa niaa latulu. Lelan lɔɔnun lɔloo (a kpingaa).