Yeremi 6:23 - BII BILA

²³ Kpaasiaalan a báltan la co nda o laba, a vesa kɔltan, a nɔ iɲíí le. A co kulaa maa mɛmma ihɛl, a hel o soa coo, a sim simnda cɔwlan vana ca ko aa vanndo ndu pilɛ ni, le nɔm cua laandoo Siɔn cɔlɔbaa.»

Yeremi 6:23 Referans Kwoze

Esai 13:18

A diwnin felengia a kpaasiaala ndalan, a nɔnin iɲíí le cɛlɛkpɛa lendea diwvo le. Cuaambɔ oo cuaambɔ nda del pɛ lehɔl, a tosanin iɲíí a ndu le.

Yeremi 50:42

Vanaa cɔvaa ndaa nɔ kpaasiaalan a mɔɔn cɔvun vilɛiyon o laba. Kɔltan pila nda vesa ni, ɲííye bɛɛ a nɔ le. Vana tuei nda diom pɛ a ca ko aa mɛmma ihɛllan ma co kuŋndo ni. A co o soa coo, a co a bɛɛndiannda ɲɛkɛndɛi le nɔm hunɔɔ delɔɔ coo, nɔm Babilɔn pɛɛn!

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

Yeremi 5:16

Bɔlɔ nda mandaa n'kɔɔ co maa sɛi kumbiaa, nda kpow kuubaa cɔwva nda co ni.

Yeremi 4:29

Vanaa va o kobila lan nin-nda tueyɔɔ diom vanaa ɲaanun o soa coo-a a vanaa vuaa lakpaasiaa-a, má ɲaanun, mí vannda kɔ luɛi o bɔɔlan bɛngu, a pum o powta kpovalan coo, mí kobilan kpow la lo fondo, vana-vana lo lɛ lenin te.

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Esai 19:4

I malnin Esiptea vana bɛndu kɔlvesɛiyo pum o ba, masa kɔlvesɛiyo pum tosanin masalen nda coo. Maalii soo lende ni, Mɛlɛka-Nɔ-Kpaayaa-Kpow-vo pɛɛn.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Esai 10:32

O paale pilɛle len nin, a simnin Nɔb ma vueinun vanaa co o pembei Siɔn coo-a a laba, vanaa co icali o pembei Yerusalɛm coo-a pɛɛn.

Esai 17:12

Má cè dɛnɛ palaa dɛ! Sɛ́lɛ́ bɛndu cuu cɔm too co vɔngaa! A co vɔngaa sɔkɔsɔkɔ mɛɛ mɛmma ihɛllan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ.

Yeremi 6:4

A co dimio aa: «La cɔn le cɔwvo! N kɔ delnun nda coo a telen paalen o pol déŋ. Éé, mɔnɛi co hee le naa ni, paalen le yɔngun, vunduma paale yɔnganndan ma co kɔlan a bandei.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Yeremi 4:16

La yiyalan vanaa-mangalaa-isɔɔa sɔɛi ken, mì la cɔm Yerusalɛm ndi aa: ‹Vanaa del vannda coo-a co hunɔɔ fulaa nɛɛ levil, a co yondaa a sɔɔn vɔɔnndon dimio a kobilan Yuda.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 25:32

Mɛlɛka-Nɔ-Kpaayaa-Kpow-vo dimi aa: «Dɛnɛ palaa cannin o lɛŋnden nden mò taŋ o lɛŋnden lepilɛlen, mò tala-tala, hoeyii piɔɔ bɛnduei cannin o lɛŋnden mɛɛlulan.»

Yeremi 50:41

Vannda co cɔnɔnndo a ba luaŋ-ndo, vanaa-mangalaa-isɔɔa sɛ́lɛ́ bɛndua a masaa ndaa kpaayaa co o nɛi, o lɛŋnden mɛɛlulan pɔ́ nda co cɔnɔnndo ni.