Yeremi 6:16 - BII BILA

¹⁶ O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Yeremi 6:16 Referans Kwoze

Esai 30:21

Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Tɔŋ miingua 32:7

La loonun-ndɔ a palɛi paanduei o kɔɔ, la yiyan-ndɔ a vɔsila hiow lan, mì la ɲuna isɔɔ a lambila hiow lan o kɔɔ. La ɲuna fuɲaa niaa mà cɔm niaa, la ɲuna kaasoŋaa yuuvɛiya, mà pɛɛku niaa lecoo.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Kolɔsea 2:6

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 44:16

«Dimi pɛɛ aa o diola Mɛlɛka lan n co sɔɛi o naa lo ni, n yeŋnin nɔm lani le.

Hebreea 11:2

Le laalanndo vannda sɔla seile kɛndɛlen sindɛ ni.

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Luke 16:29

Mí Abraham mulul ndu aa: ‹Sɛbɛla Moise nda vanaa-tɛɛngaa-diom Hala-a sɛva lan la co nda ikɛi lon, o bɛnda mà bii sɔɔn co n sɛvaa lenin-ndon.›

Esai 28:12

Ndóò dimul vanaa kan ni aa: «Fondaa ho fonda pɛngiaa o co ni, la mal vanaa sanga-a mà pɛngi nanu, fonda vana vannun o nila ɲulu nin-ndo co hoo ni. Kɛ a cɛl le ndu nilan yaŋɔɔ le.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Rɔmnda 4:12

Ndu koni co fuɲaa vanaa dii tomaa-a ni, o co ko le tooma nda dii-o daama le, kɛ le kela nda co o nɛila Abraham fuɲa naa lan coo-o. La o kela coo, lɔ́ɔ́ ndóò dii-yɔ toomaa loo lan.

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

1Masaa 8:36

mulul nda nɛɛ n co o halataala-a, ma mal vanaa nɔmaa baalaa a yungu nɔmndo haki, Israɛlla pɛɛn, mà cɔm nda nɛi nda bɛnda le kelaa coo-o. O kon kɔɔli, a tuisi piɔɔ o lɛŋnde nɔmnden coo, lɛŋnde n ke len vanaa nɔmnda kɛ́ɔ len pɛɛn.

Condii lisai 116:7

Kɔl nuu sɔla vɛlɛ pɛngio, kani Mɛlɛka tosal-la dɛnɛ kɛndɔɔ.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Yeremi 31:21

Baŋ tɔɔmaselelan o nɛi nɔmndo demullo, caa kɔlan o nɛiyo coo, o nɛi n co kɔlan coo-o pɛɛn. Mbɔ̀ muungu nanu, Israɛl ya kaola-o, muungu o kobila nɔmndan nin.

Yeremi 42:3

Màá Mɛlɛka Hala nɔmndo cɔm naa nɛi naa n bɛnda le kɔlan coo-o a ɲɛ naa n bɛnda le tosaa-o.»

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

Masaa kialaa n'yamaa 2:17

Kɛ a ve bɛɛ masaa kialaa n'yamaa kan lani yaŋɔɔ le, halaa celennda tuŋ nda va sooloo ni. Ma baŋ vulan nda o labɛngunin. Ma mulul dɔ́ɔ́ nɛila fuɲaa ndaa va kelaa coo lan kɔɔ, a bii tɔŋnda Mɛlɛka lan mɛɛ fuɲaa ndaa va tosaa yɛ le.

2Dɛnnda lemasalan 19:11

Amaria, bolle vanaa-solia-lasálàá cɔmnin niaa dɛnnda lekaanndan kpow, mì Sebadia po Ismaɛl-lo, o co simlacinɔ polale Yuda len-ndo cɔm niaa dɛnnda lemasalan. Leviaa vanin niaa coo maa n'simlaci. La lueí yoomuan mì la tosa baalaa. Màá Mɛlɛka va vanaa co dɛnɛ kɛndɔɔ tosaa-a ikɛi!»

Esai 46:9

La loonun-ndɔ a sɔɔn tosan sindɛ pɔ́-pɔ́-on. Kani ya co Hala ni, o celen co le. Ya co Hala ni, vana-vana siiman a ya le.

Esai 57:2

Vana kela pɛ o nɛi sandaa coo, o luɛinin o kɔlɲuloo nin, mò pɛngi o kpele ndɔ hinia coo.

Yeremi 7:3

O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹La bɛɛndiaa kela niaa a dɛnnda niaalan, o kon mì la cal o lɛŋnden nden nin.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.