Yeremi 6:15 - BII BILA

¹⁵ Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 6:15 Referans Kwoze

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Sofoni 3:5

Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Misee 3:6

Lelan, ɲumndan ma co niaa tul, niaa vanaa-tɛɛngaa-diom Hala-a. Vana ci lɛnin levundu le. Ɲumma bɛnduan ma co tolɔɔ niaa coo, vana tɛɛnguu lɛnin sɔɔn co hunɔɔ yɔŋnɔn-ndon te. Ɲɔɔ co yɔŋnɔn maa paale delaa, mì ɲumndan ma tol niaa coo kpingbi.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Esekiɛl 24:7

Kani kooma vanaa o diw-va ma co vɔ ceen déŋ, o pow bandíláà coo kpendekele o taaliaa man ni, o sɛŋi man o lɛŋnde muungu coo mì maa mɔɲamɔɲa o cundoo nin te.

Esekiɛl 2:4

Cuavaa kan nɔ hɔlta veseilan a kɔlvesɛiyo taw. O nda lo ya co nɔm vomɔɔ ni, mà kɔ soo o nda lo, mà dimul nda aa: ‹Lende Maalii Hala dimi ni!›

Yeremi 23:12

«Lelan nɛi ndaa culukunin ni. A kuindiannin o ɲumndan nin mà deli. Vɔsi ya mululunnin nda-o, i co nda dɛnɛ palaa tuisi coo.» Sɔɛi fula Mɛlɛka o sondo-e co ken ni.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 44:10

Háá hau, mɔnɛi bii niaa le, la ke ya lebɛɛ le, vana-vana bii silala nilan a tɔŋnda ya yɔngu fuɲaa niaa mamaa a niaa pila lan te.»

Esekiɛl 13:14

I pesipesinin kpaki niaa yikpa-o, mò komba lɛŋ vuluvulu. Fonda o kilan coo-o fulanin ceen. Kpaki kon kombanin mì niaa vi o bémbélan bɛngu. O kon niaa sinanin ni maa ya co Mɛlɛka ni.

Sofoni 2:1

«Éé niaa vanaa nɔ haa lasiɛmbu le-a! La muungu o niaa pila nin. La mɛɛndian kɔlta niaalan,

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

O Kandɔɔ 19:34

Diimandɔɔ, mí cua ndɔ tase kon dimul pɔmbɔ ndɔ aa: «Ciɛi icɔl, mí va a fuɲa naa. Lelan, n koesi ndu vɛlɛ hau mɔiyan, mì nɔm kɔ hini ndu kɔɔli dɔ́ɔ́ cɔɛllɛn. Te n tosa pɛ lende, n vilul ndu cuawva.»

Yeremi 14:15

Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Osee 4:5

Lelan, ipala déŋ niaa boŋnin ni mì vanaa-tɛɛngaa-diom Hala-a va boŋio icɔl. I co kala nia sondoo kinda le fɛɛn a fɛɛn, mò mei kpili.