Yeremi 6:13 - BII BILA

¹³ Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 6:13 Referans Kwoze

Yeremi 23:11

Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

Luke 16:14

Mɛɛ Faliisia kaola volion-nda tuei sɔɔn mun, má kandu Yeesu mamɔɔ.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Yeremi 2:26

Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

Yeremi 2:29

Le yɛɛ niaa yeema yɛ le ya kɔɔsallo? Niaa kpow, la cɛn mí la simul-la. Ya Mɛlɛka co sɔɛi nuaa ni.

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Yeremi 27:15

Mɛlɛka dimi aa: ‹I vim nda le. A co dimio aa o diola nilan nda co sɔɛi ni, kɛ còòlan fúú nda co dimio ni. Te la yaŋ pɛ nda nilan, i co niaa tovɔɔ mì la kɔ vu niaa vana-tɛɛngaa-diom Hala-a co niaa kan sɔɔn vaa siɔdii dimullo-a latulu.›»

Yeremi 42:1

O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.