Yeremi 6:12 - BII BILA

¹² Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

Yeremi 6:12 Referans Kwoze

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Sofoni 1:13

Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Cɛɛŋɔnnda Yeremi lan 5:11

Vannda co vanlaandua Siɔn kpuuvia, à co cuaambɔa lemboa laasiaa o kobilan Yuda nin.

Cɛɛŋɔnnda Yeremi lan 5:3

N siŋnun vííya, fuɲaa naa co lɛ icali le, kalaa naa vii piaandua.

Cɛɛŋɔnnda Yeremi lan 3:3

Lepalaa-lepala o va ya baa holɔɔ. Ya pilɛ kpé o va lɔɔ ni.

Cɛɛŋɔnnda Yeremi lan 2:8

Mí Mɛlɛka ndóò kialu le kpakilan Siɔn koombiaa. Mó toandu yoolen nda laci, o faŋa baa le, háá mó cii nda fɔlɔn diw tɛ́ɛ́. Mó dɔaw kpakilan a ciin cɛiyon yɛɛvɛ, mí la tambu o lepilɔɔ kpow.

Yeremi 38:22

a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.

1Dɛnnda lemasalan 21:16

Mí David heelu hɔlla, mó ca mɛlɛkanɔ Hala-o, o va halataalaa a lɛŋnden tɛɛn, mɔɛi cɔwve va ndu o ba, i ve o boo nin te. Mó muli ndi hɔlla a kpengii kobio Yerusalɛm. O kon, mí David a kaasoŋaa kɔlkalua va a yalala yuululan lekɔɔ-a deli, má kuumbu hɔlla lɛŋ.

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Yeremi 38:23

Lende i co ni, a kɔanin a laandaa nɔmnda a á cuavaa nɔmaa laandua o Babilɔn-nda lo. Nɔm pila bɛɛ, a helunnin nda le, masaa Babilɔn holnin nɔm baa, mò mal kobio yin.»

Esekiɛl 35:3

Dimul ndi aa nuaa Maalii, o co Mɛlɛka-o dimi ni aa: ‹Má cè ya nɔm hinullo, nɔm pembei Seir! I cii nɔm soŋɔ̀ɔ̀ a ba nuu, mí siinguu nɔm lɛŋnde tambɛilen a lɛŋnde piɔl vɔ́-vɔ́ len!

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Sofoni 1:4

«I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.