Yeremi 6:11 - BII BILA

¹¹ I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

Yeremi 6:11 Referans Kwoze

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Misee 3:8

Kɛ ya ya, i co o piaa cá a yoomuan, yoomuma fula Kɔl Hala-o o ba-an. I nɔ dío a yoomuan le cuavaa Yakɔb dɛnɛ vɔɔn ndaa cɔmndo, a le Israɛlla haki ndaa cɔɔmullo.»

Dɛnnda cɔɔmuanndan 16:1

Mí tuɛi diom bɛndoo pum fulaa o Cɛi-Hala-o nin, mó dimul mɛlɛkaa ŋɔmmɛvaa kan aa: «La kɔ cuiŋi ɲɛ co o taalala kólaala ŋɔmmɛwla kɔltuw Hala-o nin-ndan o lɛŋnden coo.»

Dɛnnda kiilaa 18:5

Kɛ Silas nda Timote hunɔɔ fulaa Maseduan, mí Pol muungu vannda pɛɛkoo daama, mó va Yuifia dimio o hɔl maa Yeesu co Krista ni.

Dɛnnda kiilaa 17:16

Telen Pol va Silas nda Timote cumndo Atɛn-ndo, mó tambu kɔl taw le sooluula o va cɔu lapiaa o kobi kon nin-ndan.

Dɛnnda kiilaa 4:20

Naa naa, n kɛɛnin ɲɛ naa n tuei mí n ca-o dimi le.»

Luke 17:34

Mì dimul niaa, o ɲumma man nin, vannda nda ŋiɔn a vanin ihini o kpele pilɔɔ coo, mì vanndo pilɛ cuannun, mì o pilɔɔ lo lon.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Yeremi 18:21

Lelan tuisi poaa ndaa yima fofolan coo, mà cii nda pila o mɔɛi cɔwve bɛngu. Màá hɔ́aa ndaa laandua hiɔlun nda, mì piaandaa ndaa cuu vu! Màá nàà n'kɔnyaa cii piandaa ndaa, mì poaa ndaa piaandua cuu o cɔwvo!

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esai 40:30

Poambɔa kpasua sanga ma vi diallon, hali vanaa hiow dɛnndan caa-a a nɔla mà del lɔ́ɔ́ lepum,

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 15:17

I cel o kunda vanaa mam caanda-a coo le, i dɔwnun ɲaale naa ndaa le. Kɛ má baŋ ya calle ya pilɛ, kani má pei ya a kɔltuwvo.

Cɛɛŋɔnnda Yeremi lan 1:15

Maalii cii vanaa cɔvaa nia kpow kɛɛ, vanaa cɔvaa va ya ikɛi-ya pɛɛn. O cuungiaa vanaa cowva le ya ciŋilanndo, le langbaa felengia ya nɔ-a ciimiaa. Maalii vayia ya, ya Siɔn kɛndɛ-kɛndɔɔ, mɛɛ vana vayia rɛsɛnndon o doola nin yɛ.

Cɛɛŋɔnnda Yeremi lan 2:21

Cuaambɔa a kaasoŋaa yuuvɛiya co ihini lɛŋ lɛtɛu o nɛilan lekɔɔ. Cuaambɔa lemboa a felengia piaandua nia cuu o mɔɛi cɔwve bɛngu. Paale n fula kɔllo len n diw nda ni, a yɔŋ iɲíí le, má kili nda bololan.

Esekiɛl 3:3

Mó dimul-la aa: «Po vanacieo, dɔw dembe nɔmndo balo mà pimi pulun nɔmndon a sɛbɛ simbulaa ya co hoo nɔm yɔngoo-o!» Mí dia ndu, mó yeela ya o sondo maa malɛ.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Yeremi 9:20

«Kani piɔ́mndo hel o diola naala pɔmbɔlan, mó luɛi o cɛila naala sɔvɛlan nin. O co cuaambɔa biwvo o nɛilan coo, a felengia co o bɛ́ɛ̀lan-nda.»