Yeremi 6:10 - BII BILA

¹⁰ O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Yeremi 6:10 Referans Kwoze

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Esai 53:1

Nɛ̀ɛ́-nɛ̀ laalan yɛ sɔɛi ndíì dimulun naa-e? Mɛlɛka cɔm vannda kpede kpaaya ndɔɔ.

Fulaa 6:12

Mí Moise mulul Mɛlɛka aa: «Israɛlla yeŋ nilan o sɔɛi nii le, vɛ̀ɛ̀ Faraɔnnɔɔ yaŋnun yɛnin ya, ya cee hoo isɔɔ loo?»

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

Rɔmnda 7:22

Kani o kɔl nuu nin, tɔŋ Hala-o hɛnan ya bɔɔ,

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

Nsaŋ 9:40

Faliisia va ndu ikɛi-ya pum tueyɔɔ sɔɔn mun, má ɲuna ndu aa: «Mò va maa naa bɛɛ vanaa sumɛiya naa n co ni?»

Luke 20:19

Fɔ́ɔ́fɔ̀, mí vanaa sɛvaa latɔŋnda a bolii vanaa-solia-lasálàá can nɛilan nuwviaa le ndu biyɔɔ. Kani má bii bila maa le nda ndóò dimi tale kon ni. Kɛ mí siòònde bii nda a vannda.

Luke 11:45

O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!»

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Amɔs 7:10

O kon mí Amasia, ó va vana-solia-lasálàá Betɛl-lo yaa congɔnndo o Yeroboam va masa Israɛlla-o lo, le ndu dimullo aa: «Amɔs yii nɔm dúmbú cuavaa Israɛlla tɛɛn. Lɛŋnden le cɛl lɛnin le nilan yaŋɔɔ o sɔɔn o co dimio-on te.

Esekiɛl 33:9

Kɛ te nɔm tɛɛngul pɛ vana kɔlvesɛiyo sɔɛi ken le ndu faŋaa o kela ndɔ vɔɔndo coo, mì ndu vana kɔlvesɛi kon pila kɛɛ le kela ndɔ vɔɔndo malɔɔ, o vunin o sandii lepɛŋii ndɔɛi nin. O kon, nɔm a baŋanin yoomu nɔmndo.

Esekiɛl 33:3

te kpalilnɔ kon ce pɛ cɔwvo hunɔɔ o lɛŋnden nden nin, o hɔŋ buloo le vannda dimullo.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Condii lisai 119:174

Éé Mɛlɛka! O ya yeema taw-vo co ni ma ciindiaa ya, o tɔŋ nɔmndo nin ya dɔawnun ɲaale ni.

Condii lisai 119:77

Màá ɲíí nɔmnde tol-la coo haliko mi va yoomu! Kani o tɔŋ nɔmndo biyɔɔ nin ya dɔawnun ɲaale ni.

Condii lisai 119:70

Sɔɛi luei nda o lakɔl te, a nɔ yiyan te. Kɛ ya ya, i co ɲaaloo dɔwnɔnndo o tɔŋ nɔmndo nin.

Condii lisai 119:35

Yɔɔ ya o nɛi n yeema mì kela-o coo, kani o nɛi kon coo ya dɔawnun ɲaale ni.

Condii lisai 119:24

O tɔŋnda nɔmndan nin ya dɔawnun ɲaale ni, lan la co ya silaa ni.

Condii lisai 119:16

I co ɲaaloo dɔwnɔnndo o silala nɔmndan biyɔɔ nin, i pɔɛɛnunnin sɔɛi nɔmnde le.

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Condii lisai 1:2

Kɛ o dɔawnun ɲaale o tɔŋ Mɛlɛka-o nin-ndo, o keela kɔllo lecoo paalen a ɲumndan-ndo.

Tɔŋ miingua 29:4

Ya Mɛlɛka, mí sim niaa laci le kɔlan o lɛŋnde veselɛilen nin o vɔsilan belehiɔɔlu bɛngu, volɔɔla cuɛinannda niaalan la siɔŋ niaa lekɔɔ le, samtala niaalan bɛɛ la siɔŋ niaa o n'pelu le.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Esai 42:20

A ce sɔɔn taw, kɛ a manda mun te, vannda nɔ nilan la kumbialan, kɛ a tui le.

Yeremi 7:13

Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,

Yeremi 35:13

«Soo niko o vannda Yuda a o haa Yerusalɛm-ndo, mà dimul nda aa: Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: Vɛ̀ɛ̀ la nɔla sila nuu cɛlɔɔ mì la bii sɔɛi nii le?» Sɔɛi fula Mɛlɛka o sondo-e co ken ni.

Esekiɛl 3:7

Kɛ cuavaa Israɛlla nda yeemanin le naa nilan yaŋɔɔ o sɔɛi nɔmnde le, kani a yeema le ya pila nilan yaŋɔɔ le, bau cuavaa Israɛlla kpede, vanaa bolii kalaa a vanaa bii isɔɔ le-a nda co ni.