Yeremi 6:1 - BII BILA

¹ Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Yeremi 6:1 Referans Kwoze

Nehemi 3:14

Mí Malkia po Rekab va masalen tosaa o lɛŋnde ibungalen Bɛt-Hakerɛm coo-o bɛɛndiaa Dio-puulu-sállo. Mó luei kèédei, mó handu sɔkɔan a ciliŋun vana kinda dioo-on.

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

2Dɛnnda lemasalan 11:6

Mó tangul Bɛtlɛhɛm, Etam, Tekoa,

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

Masaa kialaa n'yamaa 1:21

Vanaa fula o polale Bensamɛn-nden nin-nda tiw ba Yebusiaa va Yerusalɛm-nda tovɔɔ le, má cal lon nda ndaa latulu háá paalen nden.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Yeremi 4:29

Vanaa va o kobila lan nin-nda tueyɔɔ diom vanaa ɲaanun o soa coo-a a vanaa vuaa lakpaasiaa-a, má ɲaanun, mí vannda kɔ luɛi o bɔɔlan bɛngu, a pum o powta kpovalan coo, mí kobilan kpow la lo fondo, vana-vana lo lɛ lenin te.

Yosue 15:63

Kɛ polale Yuda len le nɔla Yebusiaa va icali Yerusalɛm-nda tovɔɔ le, lelan Yebusiia lo icali Yudaa tɛɛn o kobi kon nin háá paalen nden ni.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Sakari 6:6

Mí soa tiŋia va kɔlan a ɲɛ ɲaanan ndaa nanɔɔ a ba lɛŋnde co a maluaŋ-nden. Mí soa humbua va kɔlan a ba paalen le del-lo a ɲɛ ɲaanan ndaa nanɔɔ, mí soa pooɲɛiya va kɔlan a ba too.

Nehemi 3:5

Mí vanaa fula Tekoa-a va baalaa kon ikɛi, kɛ simlacia ndáà cɛl le tuisinndo vanaa va baalaa simndan laci-a o labɛngunin te.