Yeremi 51:9 - BII BILA

⁹ N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Yeremi 51:9 Referans Kwoze

Dɛnnda cɔɔmuanndan 18:5

Kani hakila ndɔlan la dengelan háá o halataala, mì Hala yiyan a dɛnɛ sandaa ndɔ lepɛŋndo.

Yeremi 50:16

La soli vanaa saŋaa a vanaa koavaa co o kobi kon nin-nda. Màá vana-vana ɲaanun, mò kɔɛ o lɛŋnde ndɔlen nin, mì vana-vana kɔɛ o ndu lo le cɔw kàlà-kálàá ho!

Esai 13:14

Vanndacieea vanin paale len maa puwvɛa nda co tovɔɔ-a, te kon te, a vanin maa saa vana-vana co mɔɔsiaa nɛɛ pilɛ le-a. Vana-vana mulinnin o vanaa ndɔa lo, vana-vana mulinin hɔlla a kpengii lɛŋnde ndɔlen.

Yeremi 46:16

Mɛlɛka co tosa mì vanaa cɔvaa sɛ́lɛ́ bɛndua boŋi, mà delian coo, mà dimi aa: ‹N cɔnnun mì n muungun vanaa naa o ibuŋ, o lɛŋnde naale naa n velun nin-nden nin, mì n kɔɛnnun mɔɛi cɔvii co naa hee hinullo-e levil.›

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Yeremi 8:20

Telen koavaa hiow, vɔɔlen le cuu, kɛ n sɔla cinda le few!

Esai 47:15

Lende dɛnɛ vanaa niaa va haa sangaa le nda sɔɔnguuo ikɛi, le nda isɔɔ ɲuna-a vanin ni. Vanaa niaa va kan yulalen tosaa latulu, kabi o felengiyɛi niɛi nin-nda, a sɛŋinnin mì vana-vana kɔɛ kpengii ndɔ. Vana-vana venin le niaa mala le.

2Dɛnnda lemasalan 28:9

Vana-tɛɛngaa-diom Hala-o pum va lon diolan Obɛd. Mó fula, mó kɔa vanaa cɔvaa va muungoo Samari-a bɔŋaa, mó dimul nda aa: «Le tùú Mɛlɛka Hala fuɲaa niaa mamaa ndóò tambu kɔllo a Yudaa-o o mal nda niaa o ba nuaa ni. Kɛ nduyɛ, mí la diw nda a hiilɛi mí tɔ́ɔ́ kon tiiya háá o halataala.

Dɛnnda cɔɔmuanndan 18:4

Mí tuɛi diom celen sɔɛi o halataala aa: «Vanaa nia sei, la fula lon, yɔŋii niaa vow balan o hakila ndɔlan nin, mì la sɔla sangaa niaa ndaa latulu.

Osee 7:13

Dɛnɛ palaa co nda cum le ɲaanɔn nda ɲaanun ya-o! Mɔnɛi co nda laci le tùú nda simul-la-o! Yáà yeema le nda ciindiaa, kɛ còòlan kposon nda co ya dimullo ni.