Yeremi 51:8 - BII BILA

⁸ Fɔ́ɔ́fɔ̀, mì Babilɔn del, mò piɔsi! La mɛli ndu yeelan coo. La sui ndu koovan o boolɔnndan, bɔɔle mò sengu.

Yeremi 51:8 Referans Kwoze

Yeremi 46:11

Esipte taanin! Kɔ Kalaad, mà nuwviaa koovan le boolɔnnda nɔmndan. Kɛ nduyɛ, fondo fúú koni n nuwviaanin kooma súú-súù fee ni, ma kɛ́-kɛ̀ singinin nɔm te.

Esai 21:9

Tofa vɔ, i co ɲɛ ɲaanan soa nan-ndo cɔu hunɔɔ, vanaa ɲaanun a soa-a co o soa coo a ŋiɔn-ŋiɔn! Vana co o ɲɛ ɲaanan kon coo-o cua sɔɛi mo va dimio aa: «O del fɔ, Babilɔn del! Tuuliaala ndalan a piɔmaa ndaa deli lɛŋ mà piɔsi!»

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 48:20

A mululnin niaa aa: ‹Moab cuu piɔl vɔ́-vɔ́! Siɛmbula bɛndulan la bii lɛŋnde len.› La yonda le vanaa malaa veeloo! La yonda ndi o peo Arnɔn kɔngɔ maa Moab cuu itambu!

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»

Daniɛl 5:24

Lelan, Hala kon vem baa ho mó sɛva sɔɛi he ni.

Esekiɛl 30:2

«Po vanacieo sei, tɛɛnguu diom Hala-o. Dimi aa: Nuaa Maalii, o co Mɛlɛka-o dimi ni aa: ‹La koŋul mì la hiiliaa hiko-hiko, la dimi aa: Kpòkóó, má cè paale bɛndu dɛ!»

Yeremi 51:41

‹La ce dɛnɛ nɛ? A bii Sesak kobi bɛndu nɔ hoo tɔ́ɔ́ o ceendo coo kpow-vo, a nɔla ndu! La ce dɛnɛ nɛ? Babilɔn siŋnun lɛŋnde veselɛile calii hɛnan vana nin te len vanaa-mangalaa-isɔɔa tɛɛn.

Yeremi 48:31

Lelan ya co condii biisiei solio Moab coo ni, i co caŋndo le Moabua kpow. I co koŋullo le vannda Kir-Herɛs.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Esai 47:9

Kɛ kpundɛla sala tiɔnnda lan la toalnin niaa coo o lepilɔɔ o paale pilɛlen nin, mì la vii cuawva, mì la vii vɛlɛ vanaa niaa co o nɔ̀lan-nda. Hali la nɔ bɛɛ kueilen, mì la caa mangalaa taw, kpundɛla lan la toalnin niaa coo cili.

Esai 47:11

Kɛ dɛnɛ palaa toalnin niaa coo, la nɔlanin ndu kpakpalaa le, kpundɔɔ toalnin niaa coo la sinanin mɛ̀ɛ́-mɛ̀ɛ́ niaa tosanin te. Sanga bɛndu niaa ve kɔl too komalnin niaa fúkù-fùkù o lepilɔɔ.