Yeremi 51:6 - BII BILA

⁶ La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Yeremi 51:6 Referans Kwoze

Yeremi 50:8

La ɲaanun mì la faŋan Babilɔn, la faŋan o lɛŋnde len nin. La va maa cuinaa toovi kunda cɔlua laci.

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Yeremi 50:15

La yonda le cɔwvo ba-ba fee! O heelu balan le ndu pila yɔngɔnndo. Cɛila coocoola ndala cumulaalan la suingin, kpakila ndalan la koombiaa. Mɛlɛka co ndu maa mingullo ni, lelan la mingul Babilɔn maa, la tosal ndu ɲɛ ndu tosal caanda-o.

Yeremi 51:45

Niaa vanaa niaa, la mal kobio, vana-vana cɛw yoomu ndɔɔ yɔŋii yelenyelen kɔl ni tambɛiyo suinun niaa.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

Kundalan 16:26

Mó dimul vannda aa: «La faŋan o cɛila-kolala-toandaala vanaa kɔlvesɛiya ha ikɛi, la pilan ɲɛ-ɲɛ nda le, yɔŋii niaa bɛɛ sɔla piɔ́mndo le yɔŋnda vɔɔnnda ndalan kpow.»

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

1Timote 5:22

Keleŋa baa handɔɔ vanndo coo le, luei balan o yɔŋ vɔɔn caanda nin te. Nɔm pila mandan mà va o diandaa.

Yeremi 51:50

Niaa vanaa hɛlun mɔɛi ndɔɛi cɔwve-a, la kɔnnun, la sim o foofo le dɛ! La kɔ lonin nɛɛ niaa kɔanin-nda mì la loonun a Mɛlɛka, mì la va Yerusalɛm yiyanndo coo.»

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Yeremi 50:31

Niaa ya bii tɛɛ ni, niaa Babilɔŋaa yongaa ha. Ya Maalii, Mɛlɛka-Nɔ-Kpaayaa-Kpow-vo dimi lende ni. Telen nɔmndo tiiya, telen ya can le mɔnɛ soli a nɔm-ndo pɛɛn!

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 25:16

A kolnin man mì hɔlla hiŋ nda, mì bollen le hiŋnun nda tuma nda vanin vanvílɛ́iya cɔu a cɔw ya tuisinin nda tɛɛn-ndo-o.»

Talelan 13:20

Vanndo kela pɛ a vana kɔlkaloo, ndu bɛɛ kendu kɔl. Kɛ vanndo kela pɛ a diɔm sondo vesɛiyo vana kon kɔndu dɛnɛ.

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

Tɔŋ miingua 32:41

Te i cɛɛŋa pɛ mɔɛi nii cɔwve sondoo, te ba nuu saa pɛ dɛnɛ sandaa, i mingulnin yaamɔaa nia màá, i soaŋnin vanaa nɔ nɛyɔn nuu-a.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Esai 63:4

Kani paale mingiaa màálen le va ya o kɔl, vɔsio tiiya le vanaa nia co o cɛlen nin-nda baŋaa.

Yeremi 48:6

La ɲaanun mì la ciindiaa yoomula niaalan, mì la kɔ va o lɛŋnde veselɛilen nin maa sofɛlɛa yondo!

Yeremi 51:36

Lelan diom Mɛlɛka dimi a Yerusalɛm o kɔɔ-o co hoo ni aa: ‹I co isɔɔ le niaa, ya co màá mingi le niaa ni! I co mɛmma pee bɛndoo Babilɔn veeliaa, mì veesiaa soonnda ndala mamɛnndan.

Yeremi 51:56

A toɲa, vana co ndu tɛɛmbuu-o co nin ndu kpɛɛlun. O co lakɔ ndu delɔɔ coo, mò diw kuubaa ndɔa, mò yimi kpaasiaala ndala cɔw lan. Kani Mɛlɛka co vana caa màá mingio, mò sala vana-vana mɛɛ o bɛnda yɛ ni.

Cɛɛŋɔnnda Yeremi lan 3:64

Éé Mɛlɛka! Mingul nda mɛɛ dɛnnda nda tosa lan la co yɛ.

Condii lisai 94:1

Kpòkóó Mɛlɛka, Hala vana mingiaa màá, Hala vana mingi màálan-ndo, cɔm diondɔɔ nɔmndo!