Biblia Todo Logo
Bib sou entènèt

- Piblisite -




Yeremi 51:57 - BII BILA

57 I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Gade chapit la Kopi




Yeremi 51:57
20 Referans Kwoze  

Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›


Moab cuu itambu kpede, vannda co helɔɔ le kobila ndɔlan delɔɔ coo. A co kɔlan a langbaa felengia ndaa le nda diyɔɔ. Sɔɛi fula Masa bɛndu nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa:


Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»


Telen yeemɛi va nda taw-vo, mí toosial nda ɲɛdiaa kɛndɛ-kɛndɔɔ. I co nda koesi háá mì ma bii nda, mà lɔl le lɔ́ɔ́-lɔ́ɔ̀. O kon a tindu lɛnin le fɛɛn a fɛɛn te.› Sɔɛi fula ya Mɛlɛka o sondo-e co ken ni.


Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.


Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»


Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.


O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.


O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»


I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.


a dimul nda aa: ‹O Mɛlɛka dimio co hoo ni aa: I co tosa mì mɔiyan ma bii vanaa co o lɛŋnden nden nin-nda kpede, masaa co icali o kpɛŋɛ lemasa David-o nin-nda, vanaa-solia-lasálàá, vanaa-tɛɛngaa-diom Hala-a a vannda Yerusalɛm kpow.


Lelan langbaa felengia ndɔa delinin o bɛ́ɛ̀lan, mì vanaa ndɔa cɔwva cuu paale len.» Sɔɛi fula Mɛlɛka o sondo-e co ken ni.


Le yoomu nuu, i tosanin niaa masalen coo, mì tuisi niaa ba ni mayoomoo a congú ni kpaayaa coo, mì cuiŋi kɔltuw nuu niaa coo. Sɔɛi fula Maalii, o co Mɛlɛka-o o sondo-e co ken ni.


«Nɔm masaa Asiri, vanaa nɔmaa bɛndua hiownun o lɔan, a tindu lɛnin lɔ́ɔ́-lɔ́ɔ̀ le. Kuubaa nɔmnda connun ihini lɛ́ɛ́siɛ́n. Nɔm yɛ, vanaa nɔmnda co a sɛŋiannda kpow o pembon coo, vana co le nda mɔɔsiaa le.


Swiv nou:

Piblisite


Piblisite