Yeremi 51:51 - BII BILA

⁵¹ «Siɛmbulan pila o va le naa, telen naa n va nda tueyɔɔ naa yeowlan-ndo ni! O va bɔɔ siɛmbula bɛndu le naa telen mialla hin mà luɛi o fonda diandaa nin, o Cɛi-Hala-o nin-ndo.»

Yeremi 51:51 Referans Kwoze

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Esekiɛl 36:30

I vangalanin kɔmnde tɔlɔɔlan a ɲɛm vaan iciɛɔn taw, yɔŋii yima fofolan ma tol niaa coo, mì siɛmbulan la bii niaa vanaa-mangalaa-isɔɔa tɛɛn.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Esekiɛl 9:7

Mó dimul nda aa: «La nɔ́ɔ́liaa cɛiyo. La kɔ pei bɛ́ɛ̀la ndɔlan a vanvílɛ́iya malan niaa kɔa nɛɛ celen.» Má fula, má kɔ diw vannda o kobio nin.

Esekiɛl 7:18

A vownunnin volɔɔla yuululan, misimisio biinin nda má ɲiiya. Siɛmbulan la biinin nda kpow, a sendinnin tembeltan kpede.

Cɛɛŋɔnnda Yeremi lan 5:1

«Éé Mɛlɛka! Loonun a dɛnɛ komal naa-o. Tofa vɔ, ma ce siɛmbula co naa coo lan.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Yeremi 14:3

Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

Condii lisai 109:29

Màá yaamɔaa nia tambu labɛɛ, mì siɛmbulan la tol nda maa doma bɛndu!

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Condii lisai 79:1

Condii Asaf-e. Éé Hala, vanaa-mangalaa-isɔɔa del kɛ́ nɔmndo coo fɔ́! A cii Cɛi nɔm diandaa nɔɔliaa, a cii Yerusalɛm siinguu powta bémbélan.

Condii lisai 71:13

Màá siɛmbulan la bii vanaa co ya ciŋilanndo-a! Màá a tambu labɛɛ mà laasian, vanaa yeema le ya dɛnɛ palaa tuisio coo-a!

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Condii lisai 89:46

A dɔɔniaa palɛi felengiyɛi ndɔɛi, má tuisi ndu siɛmbulan.

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Esai 21:1

Sɔɛi dimin o lɛŋnde veselɛile co o mɛmma ihɛllan kɔngɔ len coo-e co hee ni: «Maa mɛɛ hoeyii bɛndui fùkù-fùkùei fula a ba too yɛ, lende yaamɔɔ co cɔnɔnndo o lɛŋnde veselɛilen nin ni. O co cɔnɔnndo o lɛŋnde kpúlúnkùmale luei vana siòònde len nin.»

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»

Yeremi 25:26

masaa kɛ́-kɛ̀ co a ba luaŋ-ndo, a va macɛlu-a a masaa co lándan-nda. Masɛi kɛ́-kɛ̀ co o ceendo coo vellaa-velle, i co o lɛŋnden coo-e kpow pɛɛn. O mɛɛlulan, mí masaa Sesak kol niko.