Yeremi 51:5 - BII BILA

⁵ Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.

Yeremi 51:5 Referans Kwoze

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Sakari 12:6

Paale len, i siinguunin vanaa co bolii lapangɛi Yuda-a maa yinndacieele yinnde bɛndoo o yɔmnde tɛɛn, te kon te maa tɛngɛ biyaa o tumbula n'maltan tɛɛn. A diwnin vanaa-mangalaa-isɔaa balu nda o ba kɛndɔɔ a o ba mɛllo coo-a kpow. O kon Yerusalɛm lonin o fonda ndɔɔ Yerusalɛm.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Sakari 2:12

Kani la tuei-yɔ diom Mɛlɛka-Nɔ-Kpaayaa-Kpow-vo, o vem ya o vanaa-mangalaa-isɔaa co niaa yungaa a ɲɛm niaan hiɔlɔɔ-a lo-o dimi aa: ‹Vana-vana pilan niaa pɛ, mɛɛ vana kon pilan ya hɔlte kúlten.

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Esekiɛl 8:17

Mó ɲuna ya aa: «Po vanacieo, a ce vɛlɛ hee le? Vɛ̀ɛ̀ polale Yuda len le hini vɔ kɔl a dɛnnda nɔɔlɛila nda co lan tosaa nanu lan te? A cii lɛŋnden pei ca a kɔlvesɛiyo, a co pɛngi ya kɔllo tuuloo le. Nda pila co lɛwve sɔɔnguuo o milinnda ndalan.

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Yeremi 31:37

O Mɛlɛka dimi-o co hoo ni aa: Te vana nɔla pɛ helɔɔ halataalaa tuu te kon te yingila lelɛŋndo sinaa, mɛɛ i kɛɛnin cuavaa-imamaa Israɛl-la le dɛnnda vɔɔnnda kɛ́-kɛ̀ nda tosa lan! Sɔɛi fula Mɛlɛka o sondo-e co ken ni.»

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Esai 62:12

A veelunin nda aa vanaa diandaa, vanaa Mɛlɛka baŋa-a, nɔm (Yerusalɛm) yɛ, a veelunin nɔm aa: ‹Kobi nda co nuwviaa-o. Kobi co o malnan too›».

Esai 44:21

Niaa cuavaa-imamaa Yakɔb-a sei, la loonun a sɔɔn mun. Niaa polale Israɛl-ten, la loonun! Kani vanaa niaa baalaa niaa co ni, niaa cuavaa Israɛlla, i pɔɛɛnunnin niaa le.

Condii lisai 94:14

Kani nɔm Mɛlɛka melnin vanaa nɔmnda le, a faŋanin kɛ́ nɔmndo balan coo le.

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

1Masaa 6:13

I vanin Israɛlla tɛɛn, i melnin vanaa nia le, Israɛlla pɛɛn.»

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Esai 51:15

Ya co Mɛlɛka ni, Hala nɔmndo pɛɛn, ya hiiluu mɛmma ihɛllan ni, ya tosa ni mí mɛnndan ma kuŋ. Diola nilan aa Mɛlɛka-Nɔ-Kpaayaa-Kpow-vo.

Yeremi 14:9

Le yɛɛ n tosa yɛ maa vanapɔnɔ nɔ mayoomu loo, maa kuubanɔ cɔw nɔla vana ciindiaa loo? Nduyɛ a co naa tɛɛn, nɔm Mɛlɛka, le nɔm naa n co ni, mal naa le.»

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Osee 2:1

«Kɛ paale vanin, mì Israɛlla kui taw. À vanin sɛ́lɛ́ maa sióónndon o mɛmma ihɛllan kɔngɔ. Vana nɔlanin nda cɔmndo le. Fonda ndáà va nda paandu dimullo-o aa: ‹La co yungu ni le›, a dimulnin nda o fonda kon aa: ‹Cuavaa Hala yoomaa niaa co ni.›

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»