Yeremi 51:41 - BII BILA

⁴¹ ‹La ce dɛnɛ nɛ? A bii Sesak kobi bɛndu nɔ hoo tɔ́ɔ́ o ceendo coo kpow-vo, a nɔla ndu! La ce dɛnɛ nɛ? Babilɔn siŋnun lɛŋnde veselɛile calii hɛnan vana nin te len vanaa-mangalaa-isɔɔa tɛɛn.

Yeremi 51:41 Referans Kwoze

Yeremi 25:26

masaa kɛ́-kɛ̀ co a ba luaŋ-ndo, a va macɛlu-a a masaa co lándan-nda. Masɛi kɛ́-kɛ̀ co o ceendo coo vellaa-velle, i co o lɛŋnden coo-e kpow pɛɛn. O mɛɛlulan, mí masaa Sesak kol niko.

Esai 13:19

O kon, kobio Babilɔn, o cɔm salamayɛi masɛi-yo, kobi kɛndɛ Kaldea co kon sangalanndo-o siŋnunnin maa Sodɔm a Komɔr, kobila Hala tɛɛmbuu lan-ndan pɛɛn.

Yeremi 49:25

La ce dɛnɛ nɛ! Vannda piow kobio ho, kobi ndóò nɔ hoo tɔ́ɔ́ bɛndoo-o, kobi yáà dɔawnun hoo ɲaale-o!

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

Daniɛl 2:38

Vanndacieea, visia yondoo nin a yowva coocoo, nɛɛ-nɛɛ nda co, mó luei nda nɔm o ba bɛngu. Mó siinguu nɔm vana bɛndoo nda kpow coo. Nɔm co bolle n'sianile piɔm kon ni.

Esekiɛl 27:35

Vanaa co icali o lɛŋii co o mɛnndan tɛɛn-nde nin-nda kpow a co a mɔnɛi le nɔm. Siòònde bii masaa ndaa ma yɔŋnun yoloma-yoloma, hɔlaa ndaa yɔŋnun ɲakpadii.

Yeremi 51:37

I co Babilɔn mingi bémbélan, nɛɛ tivolla vanin-nda, mì vannda pieow kobi kalaa a siòònde, má yonda a mɔnɛi.

Yeremi 50:46

Telen nda biinin Babilɔn-ndo, lɛŋnden le ɲiiyanin, mì yeelan la soo ba-ba fee vanaa-mangalaa-isɔɔa tɛɛn.

Yeremi 50:23

Babilɔn va kunduva va ceendo kpede pesio-o ni. O piɔl mó kui tɛndulan vàá pilɛ. La ce dɛnɛ nɛ? Babilɔn siŋnun fonda calii hɛnan vana loo vanaa-mangalaa-isɔɔa tɛɛn. Kámáá la ce dɛnɛ!

Esai 14:4

o kon la soli condei he le masaa Babilɔn mamɔɔ aa: ‹Kpòkóó, dɛnɛ bɛndu tosan dɛ! Masa kɔlvesɛiyo co lɛ le! Kɔlvesɛiyo cuu few!

2Dɛnnda lemasalan 7:21

Kɔndɔfili bɛndoo biinin vanaa sinà Cɛi bɛndu-bɛndu sɔvɛɔ ho-a, mà ɲunan aa: ‹Ko le yɛɛ nɛ Mɛlɛka tosa yɛ a lɛŋnden nden a á Cɛi-Hala-o ho nuaa?›

Tɔŋ miingua 28:37

Vanaa-mangalaa-isɔaa Mɛlɛka yaanin niaa tɛɛn-nda kpow a dɔawnunnin kɔndɔfili a dɛnnda vanin niaa yɔŋnɔnndo lan. A mamnin niaa ma cii niaa labɛɛ kpede.