Yeremi 51:16 - BII BILA

¹⁶ O dimi pɛ, mɛnndan ma diinun o halataala, piɔɔ bɛndoo hel o lɛŋnden mɛɛlulan, halataalaa voli, o kon piɔɔ sia, hoeiye fula o soon ndɔɔ nin.

Yeremi 51:16 Referans Kwoze

Condii lisai 135:7

O co piɔɔ helaa cuaa o lɛŋnden mɛɛlulan, o co taŋndan volio le piɔɔ tuisio. O co hoeyii o va mandaa-e solio.

Yonas 1:4

Kɛ mí Mɛlɛka tuisi hoeyii fùkù-fùkùei o mɛmma ihɛllan coo, mí felenfelenndo can, mí dɛ̀ndɔ̀ɔ́ va le yomiyomio.

Condii lisai 18:13

Ɲɛ-tengaa bɛndoo va ndu laci, o ɲɛ-tengaa kon yumbuyumboo, loeon delian a dɛngultan la va fulaa ni.

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Amɔs 9:7

Niaa cuavaa Israɛlla sei! O co maa cuavaa Etiopiia le niaa co le ya le? Ya Mɛlɛka ɲuna nuaa ni. O co mɛɛ ya soli Filistia Kaftɔr, mí soli Aramiia Kir yɛ le ya soli cuavaa Israɛlla Esipte le?

Esekiɛl 10:5

Vanáà lo o bɛ́ɛ̀ va lekɔɔli-o nin, mí vanáà tuei diom kumbannda mɛlɛkaa kanda ɲɛm Hala-on-nda. Vanáà tuɛi lan ko diom aa Hala Vana-Kpaayaa-Kpow co sɔɛi ni.

Condii lisai 147:18

Mɛlɛka soo dɔ́ɔ́ pɛ, kpungban mun n tengan, o cuu pɛ hoeiye, mɛnndan ma del hiovɔɔ.

Condii lisai 104:7

Kɛ nɔm Mɛlɛka deŋio, mí ma puusian, nɔm óò piɔndio, mí ma sɛŋin,

Condii lisai 78:26

Mó soli hoeiye a ba paalen le can-ndo fulaa o halataala, mó cuu vɛlɛ hoeiye fulaa a ba too a kpaaya ndɔɔ.

Condii lisai 68:33

Niaa masɛi co o lɛŋnden coo-e, la solul Hala condon, la solul Maalii condon mì la lisa ndu.

Condii lisai 46:6

Hala co o kobi kon kɔllo, o delnin te, idii púŋ, o pena ndu mala.

SƐBƐ YƆB-O 40:9

Vɛ̀ɛ̀ yoomuma nɔmndan ma sulan pá a yoomuma ya Hala-an? Diom nɔmndo co pá ma diom ni letaŋndo?

SƐBƐ YƆB-O 38:22

A kɔɛ nin má kɔ tofa nɛɛ mɛmma n'kpungban ma co mamandaa-a? A ce nin nɛɛ loeon delian co n'mandaa-a,

SƐBƐ YƆB-O 37:13

Lende Hala tosa ni, te o yeema pɛ le vana sangaa tuisio coo. Lende o tosa vɛlɛ ni te o yema pɛ le vana dɛnɛ kɛndɔɔ tosallo.

Fulaa 14:21

Mí Moise siɛndi baa o mɛmma ihɛllan coo, mí Mɛlɛka cua hoeyii fùkù-fùkùi bɛndu-bɛnduei a ba paalen le can-ndo, mó cuu ndi o mɛmma ihɛlma man coo. Mí hoeyii ken lɔl hɔŋndo pii, mí i hiiluu mɛnndan yongban-yongban, mí i veesiaa man háá mí ma kiolu tɛɛn.

Fulaa 10:19

O kon, mí Mɛlɛka cua hoeyii bɛndu-bɛnduei a ba paalen le del-lo, mí hoeyii ken kɔandu sóónɔa kan, mí i kɔ viow nda o mɛmma ihɛlma makpɛ̀ndɛ̀an nin. Hali sóónɔɔ ndu pilɛ o lo o lɛŋnde Esipte len nin te.

Fulaa 10:13

Mí Moise siɛndi tinda ndɔɔ o lɛŋnde Esipte len coo, mí Mɛlɛka cua hoeiye fulaa a ba paalen le can-ndo. Mí hoeyii ken niinu hɔŋndo o lɛŋnde Esipte len coo kpɛŋ, mí i lɔl vɛlɛ hɔŋndo pii. Idiiyo, mí hoeyii ken hun a sóónɔa taw.

O Kandɔɔ 8:1

Mí Hala loonun a Noe a visia yondoa, visia cieeninnda a á ɲɛ-ɲɛ va Noe ikɛi o dɛ̀ndɔ̀ɔ́ nin. Mó cuu hoeyii fùkù-fùkùei o lɛŋnden coo, mí mɛnndan ma kandu velaa.