Yeremi 51:12 - BII BILA

¹² La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

Yeremi 51:12 Referans Kwoze

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Esai 13:2

La baŋ lɛfɛ landaa o pembii nɔ bil lecoo lei coo. La heelu diomndan mì la yonda o vanaa cɔwva lo. La hiiluu balan, o kon mà kei o diola vanaa bɛndua, mà luɛi.

Nahum 2:1

«Vannda Yuda sei! La tofa vɔ kiilaa hunɔɔ o pembon coo a yoongu kɛndɔɔ, Yoongu kɛndɛ kɔlɲuloo pɛɛn. Lelan, la tosa kafola niaala lekaanndan. La cuu Hala ɲɛm niaa bàá yoolen o ndu lo-on. Kani vana tɛɛmbua n'vanndo luei lɛnin o lɛŋnde niaalen nin te. O tambu mó ɲum bombo cú!»

Yeremi 51:29

Lɛŋnden le ɲiiyanin, le hiilunnin a siòònde telen tuu Mɛlɛka-o peelunnin a Babilɔn-ndo. O minginin lɛŋnde Babilɔn-nden lɛŋnde imɔnɔ len, mì vannda piow len.

Yɔɛl 3:2

Hali cɛa piaandua a à laandua coo, i tuisinin Kɔl nuu o palɛi ken nin.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Yeremi 51:27

La heelu tɔɔmaseloo o lɛŋnden nin! La hɔŋ buloo vanaa-mangalaa-isɔɔa tɛɛn, mì la mɔɔsiaa vannda le Babilɔn kuello, la yoongu masɛi he le ndu kuello: Ararat, Minni a Askenas. La handu simlacia vanaa cɔwva le vannda diolan sɛvaa le nda cɔlɔbaa. La yɔɔ soa le ndu delɔɔ coo a cɔwvo, mɛɛ sóónɔa kela kunda bɛndoo nuaa yɛ.

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Yosue 8:14

Masaa Ai cɔu dɔ́ɔ́ Israɛlla idiiyo, mó can fɔ́ɔ́fɔ̀ a vanaa ndɔa cɔwva kpow le kɔlan nda cɔlɔbaa o fonda nda cɔlɔba nda o tasendɔ-o, a kpengii bóllo Araba. O ve bɛɛ sina maa vanaa celen va ndu mɛngɛlaa o kobio kɔɔli le.

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Yeremi 50:25

Mɛlɛka co ɲɛm cɔvun o nɔ-on cua, mò cɔm lɛŋnde Babilɔn-nden kɔl ndɔ fulaa. N canin baala Maalii, Mɛlɛka-Nɔ-Kpaayaa-Kpow-vo tosanin-ndo.

Esai 11:12

O heelunin lɛfɛ landaa le vanaa-mangalaa-isɔɔa, o cuungiaanin cuavaa Israɛlaa co o ɲaanɔnndo nin-nda, o mɔɔsiaanin vanaa sɛŋin fulaa o tàndá Yuda-o nin-nda. O cuungiaanin nda fulaa o kpengun hiɔɔlun ceendo.