Yeremi 51:1 - BII BILA

¹ Diom Mɛlɛka dimi-o co hoo ni aa: «I co hoeyii tɛɛmbuai hɔŋ Babilɔn a vanaa co icali lon-nda coo.

Yeremi 51:1 Referans Kwoze

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

Esekiɛl 19:12

Kɛ mí vannda sungu ndu a kɔltuwvo, má ɲindu ndu lɛŋ vuluvulu. Mí hoeyii fula a ba paalen le can-ndo-e i veesiaa kɔmnde ndɔlen, mí lɛvun ndɔn kálà-kálàn bɛɛsiaa, mí n vesan kékélé, mí yinnden le loam mun kpúlúká.

Yeremi 50:33

Sɔɛi fula Mɛlɛka-Nɔ-Kpaayaa-Kpow-vo, Hala Israɛlla o sondo-e co hee ni aa: Vannda Israɛl a co o sanga bɛndu nin, lende koni haa Yuda co bɛpɛlaa ni, vanaa kɔɛ a nda-a kafalan nda kpáŋ, a kɛɛ le nda malɔɔ.

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Yeremi 50:24

Nɔm Babilɔn, i yaŋ nɔm má haw a bii bila le. A luɛi o biyɔɔ nin, kani ya Mɛlɛka n del coo ni.›

Yeremi 50:21

Mɛlɛka dimul yaamɔɔ Babilɔn aa: ‹Del lɛŋnde mɛmma lolɛilen coo a cɔwvo. Del ten coo mà del vannda Pekɔd coo. Diw nda mà tɛɛmbuu nda háá o vana mɛɛlaa, tosa ɲɛ-ɲɛ ya dimul nɔm le tosaa.

Yeremi 50:9

Kani i co lɛŋnde mɔɔsiaa sɛ́lɛ́ bɛndoo, mì toolu ndi le Babilɔn kuello a cɔwvo. A ba luaŋ-ndo nda fulanin ni, mà hun simul ndu, mà bii ndu. Maa kuubanɔ caa cɔwvo taw-vo bálta ndalan la co ni, la bindu le.

Yeremi 49:36

I solinin hoeiye o kpengun hiɔɔlon coo, fulaa a ba luaŋ-ndo a á ba too, a ba paalen le can-ndo a á ba le del-lo, mì i hinul Elam. I puusiaanin Edɔmnda mà kɔɛ ba-ba fee. Elamnda kɔanin cɔwvo ɲaanɔn o lɛŋnde kpow nin.

2Masaa 19:7

I co ndu yiyanndo pum malɔɔ o kɔl, te o tuei dɔ́ɔ́ pɛ yoongoo pum, o cannin mò muungu o lɛŋnde ndɔlen nin. O lɛŋnde ndɔle len nin ya tuisinin ndu mɔɛi cɔwve coo ni.»

Condii lisai 137:8

Nɔm Babilɔn yɛ, a co hunɔɔ itambu sunsun! Màá vanaa kan a sɔla dɛnɛ kɛndɔɔ, a mingulnin nɔm dɛnɛ palaa n tuisi hoo naa coo-o-a pɛɛn! Màá a pala nɔm mɛɛ n tosa a naa yɛ!

Yeremi 23:19

La tofa vɔ hoeyii felenfelennde hunɔɔ: kɔltuw Mɛlɛka-o co o nɛi, piɔɔ hoeyii fùkù-fùkù kon pɛɛn, o co vanaa tosaa dɛnnda vɔɔnda tolɔɔ coo.

Esai 13:13

Kani i hiiluunin halataalaa a kɔl ni tuwvo, mì lɛŋnden le yɔɔlian o tumndo. Ya Maalii, ya Mɛlɛka-Nɔ-Kpaayaa-Kpow-vo pɛɛn. Kon tosannin paale ya cuiŋinin kɔl ni tuw bɛndoo len.

Esai 14:14

I helnin o yumbuyumboo coo mì siŋnun kpen-kpen a Ó-Hiow-Ɲɔɔn-Kpow-vo.

Esai 21:1

Sɔɛi dimin o lɛŋnde veselɛile co o mɛmma ihɛllan kɔngɔ len coo-e co hee ni: «Maa mɛɛ hoeyii bɛndui fùkù-fùkùei fula a ba too yɛ, lende yaamɔɔ co cɔnɔnndo o lɛŋnde veselɛilen nin ni. O co cɔnɔnndo o lɛŋnde kpúlúnkùmale luei vana siòònde len nin.»

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»

Yeremi 51:53

Hali Babilɔnnda hel bɛɛ coocoo o halataala, mà kɔ siinguu lon nɛɛ ndaa viannannda, mà kindan kpakilan kɔɔli, vanaa tɛɛmbuuaa komalnin nda lon di. Ya viamnin nda ni.» Sɔɛi fula Mɛlɛka o sondo-e co ken ni.

Yeremi 51:60

Mí Yeremi ndóò sɛva dɛnnda palaala kɛ́-kɛ̀ va hunɔɔ tolɔɔ Babilɔnnda coo, a sɔɔn kɛ́-kɛ̀ dimin mun a Babilɔn o kɔɔ o sɛbɔɔ pum nin.