Yeremi 50:4 - BII BILA

⁴ Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Yeremi 50:4 Referans Kwoze

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Yeremi 31:31

Mɛlɛka dimi aa: ‹Paale vanin mì yii kpema sɛnɛiyo a vannda Israɛl a á Yudaa.› Sɔɛi fula Mɛlɛka o sondo-e co ken ni.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

Esai 63:4

Kani paale mingiaa màálen le va ya o kɔl, vɔsio tiiya le vanaa nia co o cɛlen nin-nda baŋaa.

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Esai 45:19

I suu o vionnɔn nin te. I suu o kolokolo yifidii nin o lɛŋnden coo le. I dimul cuavaa-imamaa Yakɔb-a le ya nuwviaa o fondo fúúo coo le. Ya Mɛlɛka, ɲɛ co toɲaa-o ya dimi ni, ɲɛ co sakpo-o ya yonda ni.»

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Condii lisai 105:4

La mulul Mɛlɛka vana kpaayaa kpow hɔlla, la va ndu nuwviaa lɔ́ɔ́-lɔ́ɔ̀.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Yeremi 41:6

Mí Ismaɛl can Mispa, mó kɔa nda bɔŋa a caŋndo. Ndóò komallo nda, mó dimul nda aa: «La hun o Kedalia po Ahikam-ndo lo.»

Esekiɛl 16:61

A loonunnin a kela nɔmndo o kɔɔ mì siɛmbulan la bii nɔm lɔ́ɔ́ n sɔɔnguunin bɛndaa nɔmaa laandua a à pɔmbɔa ikɛi-yo. I yɔngunin nɔm nda mà siŋnun maa cuavaa nɔmaa laandu, kɛ o co le kpema co naa tɛɛn naa nɔmndo le!

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.