Yeremi 50:2 - BII BILA

² La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 50:2 Referans Kwoze

Esai 46:1

Piɔmndo Baal del mó pimbul, piɔmndo Nebo komba vúlù-vùlù! Piɔmaa kan siŋnun le visia a le cɔlua bɛndua. Piɔmaa niaa pila va kan siilɔnndo-a, la tofa vɔ mɛɛ nda co cɔlua sanga-a kindilaa a lusul ndaa yɛ!

Esai 21:9

Tofa vɔ, i co ɲɛ ɲaanan soa nan-ndo cɔu hunɔɔ, vanaa ɲaanun a soa-a co o soa coo a ŋiɔn-ŋiɔn! Vana co o ɲɛ ɲaanan kon coo-o cua sɔɛi mo va dimio aa: «O del fɔ, Babilɔn del! Tuuliaala ndalan a piɔmaa ndaa deli lɛŋ mà piɔsi!»

Yeremi 51:47

Lelan paale vanin, mì simul piɔmnda Babilɔn. Siɛmbula bɛndulan pila o vanin o lɛŋnden kpow nin ni. Vanvílɛ́iya lonin ihini lɛŋ o kobilan nin lɛ́ɛ́siɛn.

Yeremi 51:44

Mɛlɛka dimi aa: ‹I co Bɛl piɔm Babilɔnnda simul, mì tosa mò tufu ɲɛ o co miolɔɔ-o. Vanaa-mangalaa-isɔɔa ve lɛnin ifili-filiei lon te. Kpakio Babilɔn komba.

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Yeremi 52:31

Vɔsilan beleyaa a laŋɔmmɛw o kɔla nda kɔɛ a Yoakɛn masaa Yuda o biyɔɔ nin-ndan kɔɔli, mí Evil-Merodak sul masaa Babilɔn. Paangii tɔ́ a idiinndɔɛi va malɔ bidiin a leŋuɛɛnu o vɔsi kon nin, mó ca Yoakɛn masaa Yuda ɲia, mó soli ndu o kaasoo.

Yeremi 51:52

Sɔɛi fula Mɛlɛka o sondo-e co hee ni aa: «Lelan paale vanin, mì simul piɔmnda Babilɔn. Vana tuɛinin vanaa ya yɔŋulnin-nda caŋndan nɛɛ-nɛɛ ka o lɛŋnden coo.

Yeremi 51:31

Kiilaa co kɔannanndo kɔɔli, vanaa hivia layoongua co kɔlan a kiltan le masaa dimullo aa: «Kobi nɔmndo biinun kpede,

Yeremi 51:8

Fɔ́ɔ́fɔ̀, mì Babilɔn del, mò piɔsi! La mɛli ndu yeelan coo. La sui ndu koovan o boolɔnndan, bɔɔle mò sengu.

Yeremi 50:46

Telen nda biinin Babilɔn-ndo, lɛŋnden le ɲiiyanin, mì yeelan la soo ba-ba fee vanaa-mangalaa-isɔɔa tɛɛn.

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Yeremi 6:18

Lelan, niaa vanaa-mangalaa-isɔɔa, la yaŋ nilan, mì la sina ɲɛ co nda tosalan-ndo!

Yeremi 4:16

La yiyalan vanaa-mangalaa-isɔɔa sɔɛi ken, mì la cɔm Yerusalɛm ndi aa: ‹Vanaa del vannda coo-a co hunɔɔ fulaa nɛɛ levil, a co yondaa a sɔɔn vɔɔnndon dimio a kobilan Yuda.

Esai 48:6

Niaa pila tuei ɲɛkɛndɛi, mí la ca kpendekele. Vɛ̀ɛ̀ niaa bɛɛ la yondanin a ndi o kɔɔ le? Sunsun yɛ, i cii niaa sɔɔn sɛnɛiyon dimul, sɔɔn viannanndon, n niáà sina paandu loon.

Esai 39:1

O telen pilɛ kon bɛngu, mí Merodak-Baladan va masaa Babilɔn-ndo, po Baladan-ndo viam kilaa o Esekia lo, mó sɛval ndu sɛbɔɔ, mó yɔŋ ndu ɲɛm kɛndɔn. Kani ndóò tuei naa ndɔɔ a siongɔɔ ndɔɔ tɔ́ɔ́.

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Esai 13:2

La baŋ lɛfɛ landaa o pembii nɔ bil lecoo lei coo. La heelu diomndan mì la yonda o vanaa cɔwva lo. La hiiluu balan, o kon mà kei o diola vanaa bɛndua, mà luɛi.

Esai 12:4

O kon, la diminin paale len aa: ‹La lisa Mɛlɛka! La veelu diola ndɔlan o piɛilen nin! La yonda a dɛnnda ndɔlan o kɔɔ vanaa súúla celen tɛɛn! La yonda a bɔɔbɔɔyɛi diola ndɔlan o kɔɔ!

Condii lisai 96:3

La cɔm bɔɔbɔɔyɛi ndɔɛi vannda kpow tɛɛn, mì la cɔm dɛnnda kɛndɛla ndɔlan o lɛŋnden kpow coo.

Condii lisai 64:9

A cii biinɔn a sɔɔn ndan nda pilan, vanaa co nda cɔu-va kpow co nda mamɔɔ mà va bolle hiiluuo.

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Yeremi 4:6

‹La heelu tɔɔmasele yonda cɔwvo a ba Siɔn-ndo, la ɲaanun, la sim te dɛ! Kani i co dɛnɛ palaa a sanga bɛndoo cuu fulaa a ba luaŋ-ndo.

Yeremi 51:12

La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

Yeremi 51:27

La heelu tɔɔmaseloo o lɛŋnden nin! La hɔŋ buloo vanaa-mangalaa-isɔɔa tɛɛn, mì la mɔɔsiaa vannda le Babilɔn kuello, la yoongu masɛi he le ndu kuello: Ararat, Minni a Askenas. La handu simlacia vanaa cɔwva le vannda diolan sɛvaa le nda cɔlɔbaa. La yɔɔ soa le ndu delɔɔ coo a cɔwvo, mɛɛ sóónɔa kela kunda bɛndoo nuaa yɛ.

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

Daniɛl 3:14

Mó ɲuna nda aa: «Niaa sei! Sadrak, Mesak, Abɛd-Neko, ì co toɲa maa la tosal halaa nia baalaa le? Maa la sooluu vɛlɛ piɔm n'siani ya cɔw-vo le?

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.