Yeremi 50:1 - BII BILA

¹ Diom Mɛlɛka dimi le kobio Babilɔn a le lɛŋnde Babilɔn-nden kpede a sondo Yeremi vana-tɛɛngaa-diom Hala-o co hoo ni.

Yeremi 50:1 Referans Kwoze

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

Dɛnnda kiilaa 7:4

O kon mí Abraham faŋan Babilɔn, mó kɔ cal Haran. Fuɲa ndɔ vuo, mí Hala faŋa ndu lon, mó cuu ndu o lɛŋnde niaa co leen-nden nin.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Esai 23:13

La tofa vɔ lɛŋnde Kaldea, vanaa-mangalaa-isɔaa kan co lɛ le, Asiri mingi lɛŋnde len fonda ɲaiyea yondoa. A tangul cɛila coocoola cumulaa lan Tir, a co lan koombiaa, ma va lan mingio bémbélan kposon.

Esai 14:4

o kon la soli condei he le masaa Babilɔn mamɔɔ aa: ‹Kpòkóó, dɛnɛ bɛndu tosan dɛ! Masa kɔlvesɛiyo co lɛ le! Kɔlvesɛiyo cuu few!

SƐBƐ YƆB-O 1:17

O cii ken dimi le, mí kiilanɔ celen hun dimul ndu vɛlɛ aa: «Yungu fula Babilɔn-ndo hin kundalan tan yáá, má del ɲɔɔmɛɛa coo, má diw buɛyaa nɔmnda a mɔɔn cɔwvon, ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

2Samiɛl 23:2

Kɔl Mɛlɛka-o kei a ya mó va sɔɛi, o handu sɔɛi ndɔɛi ya o lediɛɛmu.

O Kandɔɔ 11:31

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

O Kandɔɔ 11:9

Le kɔlɔɔ ho nda ke fonda kon diolan ni aa Babɛl. Kani lon Mɛlɛka laasiaa sɔɛi mangalɛi vanndacieea ni, mó sɛŋi nda o lɛŋnden coo kpow.

2Masaa 17:24

Mí masaa Asiri hun a vannda pum fulaa Babilɔn, Kuta, Ava, Hamat a Sefarvaim, mó kɛsi nda o fonda Israɛlla o kobila va o tàndá Samari-o nin-ndan nin. Mí vanaa kan hialu tàndá Samari-o, má cal o kobila va lon-ndan nin.

Yeremi 25:12

Telen vɔsila belaŋɔmmɛwla lan la cuunin-ndo, i mululunnin masaa Babilɔn a vanaa ndɔa le dɛnnda ndala vɔɔnndan, Mɛlɛka dimi lende ni, i co mɔnɛ soli a lɛŋnde ndalen, mì vannda piow len le lɔ́ɔ́-lɔ́ɔ̀.

Daniɛl 1:1

O vɔsi yàándɔɔ nin, o masale Yehoyakim va masaa o tàndá Yuda-o coo len bɛngu, mí Nebukanɛsar va masaa Babilɔn-ndo hinul Yerusalɛm, mó tiila ndu.