Yeremi 5:9 - BII BILA

⁹ Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Yeremi 5:9 Referans Kwoze

Yeremi 9:9

I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Nahum 1:2

«Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Esekiɛl 7:9

I tofanin niaa mì ɲíí bii ya le. I keinin niaa baa coo le few! I siiluunin niaa volɔɔlan mɛɛ dɛnnda niaalan la co yɛ, dɛnnda niaala nɔɔlɛilan kpede la fulanin ceen niaa o hɔl kpendekele. O kon niaa sinanin ni maa ya co Mɛlɛka soaŋ vana-o ni.

Cɛɛŋɔnnda Yeremi lan 4:22

Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Esai 1:24

Lelan, diom Mɛlɛka-Nɔ-Kpaayaa-Kpow-vo, o co Hala Kpaaya Israɛlla-o dimi-o co hoo ni: «Dɛnɛ palaa co le niaa! Kani i co mɔnɛi solin a yaamɔaa niaa! I minginin màá yaamɔaa niaa coo!

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

Tɔŋ lasálàá 18:25

Le kelala ndalan, mí lɛŋnde ndalen le siŋnun lɛŋnde nɔɔlɛilen, mí soaŋ lɛŋnde kalalen háá mí vanaa va lenin-nda sɛŋin.

Talelan 6:29

Lende koni i co vɛlɛ a vanapɔnɔ co a lanɔ pilaa-o ni. Vana-vana yɛɛnun pɛ ndu ba, ndu tuisin sangaa coo.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Yeremi 6:11

I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

Yeremi 9:8

Sɔɛi fula Mɛlɛka o sondo-e co hee ni aa: «Vɛ̀ɛ̀ i bɛnda mì kpaa vannda ha le dɛnnda lan te? Vɛ̀ɛ̀ i mingul vannda ha mɛɛ dɛnnda ndalan la co yɛ le?»