Yeremi 5:8 - BII BILA

⁸ Nda a pilɛn-pilɛnnda, vana-vana co kiltan lanɔ puapilɛ ndɔɔ kɔɔli mɛɛ soa piaandua téndéa ɲaanun soa laandua kɔɔli a yeemɛi bɛnduei yɛ.

Yeremi 5:8 Referans Kwoze

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Esekiɛl 22:11

Vana-vana co mààlan tosaa a lanɔɔ po ndɔɔ, vana-vana co yema ndɔ fuɲa pilɔɔ kpuvaa le hinilan a ndu nanu.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

SƐBƐ YƆB-O 31:9

Te i fula pɛ vanalanɔɔ pum lehɔl, te i sim nin pɛ mɛngɛlaa o dio pilaa,

Tɔŋ miingua 5:21

La fúlà lanɔ pilaa lehɔl te, la fúlà cɛi pilaa lehɔl te, la fúlà ciɛi pílɛi, cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúlà ɲɛ-ɲɛ co ɲɛ pilaa lehɔl te.›

Tɔŋ miingua 5:18

La suunda le.

Fulaa 20:17

La fúla cɛi pilaa lehɔl te. La fúla lanɔ pilaa lehɔl te, la fúla cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúla ɲɛ-ɲɛ co ɲɛ pilaa lehɔl te.»

Fulaa 20:14

La suunda le.

O Kandɔɔ 39:9

O hiw lɛ ya ivanabɛnduya cɛinin nanu le, o tuŋ ya ɲɛ-ɲɛ celen te, fɔ nɔm, kani laa ndɔ n co ni. Le yɛɛ nɛ ya tosa yɛnin dɛnɛ kɔlvesɛi bɛndu vaa lende mì cua hakio a Hala?»

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Yeremi 50:11

A toɲa, la dɔwnun ɲaale, mì la va a kɔlkɛndɔɔ, niaa vanaa poondiaa vanaa niaa ɲɔɔn o laba-a. La huulu mɛɛ navaa téndéa huulu o bil puiyaa nin yɛ. Mì la soli diomndan maa soa kpaaya bɛndu!

Talelan 6:29

Lende koni i co vɛlɛ a vanapɔnɔ co a lanɔ pilaa-o ni. Vana-vana yɛɛnun pɛ ndu ba, ndu tuisin sangaa coo.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.