Yeremi 5:7 - BII BILA

⁷ «Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Yeremi 5:7 Referans Kwoze

Kalatea 4:8

Paandu, telen niáà síná vɔ Hala loo, la va o cɛle ɲɛm niáà cɔu maa n'hala-on bɛngu, nduyɛ n co Hala le.

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Yosue 23:7

La mɔ́sɔŋàn a vanaa-mangalaa-isɔaa lo vɔ kan icali niaa tɛɛn-nda le. La pial diola halaa ndaa le, la mɛnan o diola ndalan te, la sooluu nda le, la baŋ vulan nda o labɛngunin te.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Amɔs 8:14

A co kan mɛnanndo a hakio Samari, má va dimio-a aa: «Le hala nɔm yoomaa, Dan…! Le nɛi diandaa yaa vana Bɛɛr-Seba-o…!» Nda kpede, a co delɔɔ, à cen ndɛnin isisi le.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Osee 7:4

Nda kpow vanaa suundaa nda co ni. Maa cɛi loamaa bulu vana loamaa buloo hiw tuuloo-o nda co ni. Kandɔɔ tuma o lindà kpeyanndo-vo, háá mì kpeyan kalaa cuu helɔɔ, vana loamaa buloo tofa lɛ cɛi loamaa buloo le.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Esekiɛl 22:11

Vana-vana co mààlan tosaa a lanɔɔ po ndɔɔ, vana-vana co yema ndɔ fuɲa pilɔɔ kpuvaa le hinilan a ndu nanu.

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Condii lisai 50:18

Te la ce pɛ vuiyo, la sim ndu kɔɔli. Niaa vanaa suundaa co kelaa ni.

Tɔŋ lasálàá 20:10

Te vanndo suunda pɛ a lanɔ pilaa, nda ŋiɔn kpow a bɛnda mà sɔla piɔ́mndo.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

2Dɛnnda lemasalan 13:9

Vɛ̀ɛ̀ o co niaa le tow vanaa-solia-lasálàá Mɛlɛka-a, a co poaa Aarɔn-nda-a a leviia, mí niaa pila hɛli a niaa, maa mɛɛ vanaa co o lɛŋii celen nin-nda a tosa yɛ le? Vana-vana ndóò hin pɛ a naw tova téndóó o pilɛ, saa kóndóa a ŋɔmmɛw, mó yɔngun le siŋnɔnndo vana-solia-lasálàá, la siinguu dɔ́ɔ́ vana kon vana-solia-lasálàá le ɲɛ co Hala loo.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Yeremi 16:20

Vanacieo nɔla halaa cownɔn te, ɲɛla o toosiaa lan la co n'hala le.»

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.

SƐBƐ YƆB-O 31:12

Tɛɛmbuu ni kon ndóò vanin maa yinnde loam háá ciee-piɔ́m-nden. Yinnde léè nɔlanin mì léè tɛɛmbuu ɲɛ ni sɔlaa kpede len.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.