Yeremi 5:6 - BII BILA

⁶ Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 5:6 Referans Kwoze

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Daniɛl 7:6

O kon kɔɔli, mí ca vɛlɛ visi celen, velanndo a tambillo. Ndóò nɔ kumbanndan tan hiɔɔlu o kɔɔ maa yow, a bolle ndii hiɔɔlu. Mí kpaayaa yɔngun ndu le masalen tosaa.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Esekiɛl 23:19

Mó cɔɔlu dɛnnda ndɔla suundɛilan vangala le loonɔnndo a palɛi ifelengiyɛi ndɔɛi o kɔɔ, telen o va suundaa o lɛŋnde Esipte len nin-ndo.

Esekiɛl 16:25

O nɛi oo nɛi sondoo, má tangul bàndóó, má tosa dɛnnda nɔɔlɛilan a naŋɔɔ nɔmndo, má yɔngun vanaa hiawnannda kpede, má luɛi suundaa a labɛɛla kpeekpei.

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Yeremi 49:19

I vanin maa yàlá co fulaa o bɔɔ nin o peo Yurdɛn kɔngɔ le luɛyɔɔ o hèéo nin-ndo. I tosanin mì vana-vana piɔl o lepilɔɔ. O kon kɔɔli mí handu masa ya yeema-o Edɔm. Kani ɔ́ɔ̀ vana co maa ya-o? Nɛ̀ɛ́ ya downun yɛnin kona? Ɔ́ɔ̀ simlacinɔ nɔla ya simullo-o?

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

Yeremi 25:38

Lɛŋnde ndalen le piow calta ndɔlan mɛɛ yàlàá piaw bɔɔ ndɔɔ nuaa yɛ, kani le siŋnun lɛŋnde dɛnɛ palaalen a mɔnɛ cɔwvo soli a len-ndo a á kɔltuw bɛndu Mɛlɛka-o.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:15

Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Esai 59:12

Kani yɔŋnda naala vɔɔnndan la co bɔɔ sɛ́lɛ́ nɔm o hɔl, nduyɛ hakila naalan la co naa seilen tɛndallo. Yɔŋnda naala vɔɔnndan la co naa lakayakayanndan. N co vɛlɛ biondɔnnda naalan sinaa válán.

Condii lisai 104:20

Nɔm tuisì ɲumndan ni, mì paalen le del, mì visia yondoa kpow cɛn kelaa,

Ɛsdras 10:10

Mí Ɛsdras vana-solia-lasálàá can, mó dimul nda aa: «Niaa Israɛlla, la cua haki bɛndoo le yilɔɔ niaa yil vanlaandua mangalaa isɔɔa o nɔ̀lan-ndo. La cɔɔlu vɛlɛ Israɛlla malɔɔ o pɔwla bɛndu nin dɛ!

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Kundalan 32:14

Sisa vɛlɛ, niaa vanaa kɔlvesɛiya ha, la yeema mì la tosa maa fuɲaa niaa kan, la yeema vɛlɛ mì la tuisi kɔltuw Mɛlɛka-o Israɛlla coo.

Condii lisai 80:13

Le yɛɛ n pɛl-lɛ niko kunga ndɔɔ, mì vanaa hiavannda va kpɔ̀nyɔ̀la ndɔlan kiɔndɔɔ?

Yeremi 8:5

Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Yeremi 30:15

Le yɛɛ nɛ n co yɛ caŋndo a dɛnɛ palaa, le ɲɛ kindilaa cuunin nɔm kuee loo? Kani le tùú tɛɛmbuula nɔmndan la co sɛ́lɛ́, mì hakila nɔmndan la vɔw taw-vo ya tosal nɔm lende ni.

2Dɛnnda lemasalan 36:14

Mí simlacia va vanaa-solia-lasálàá a vannda bollen-nda bɛɛ a luɛinun o pɔwla bɛndu-bɛndulan nin maa mɛɛ vanaa-mangalaa-isɔɔa ndáà tosa dɛnnda nɔɔlɛilan yɛ. Má luɛi dɛnnda lamààlan tosaa o Cɛi-Mɛlɛka-o nin. Cɛi kon yɛ, Mɛlɛka pila ndóò dindi ndu Yerusalɛm le ndu pila ni.

SƐBƐ YƆB-O 10:16

Te i cɛn dɔ́ɔ́ pɛ, a hinul-la maa tambili, a kpuva ya a yoomuma nɔmndan kpow.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 8:7

Hali yow yɔɔyaa cɔcɔɛi vilɛiyo sina telen ndɔɔ, piinndo, lɛɛfɛnndo a yow yɔɔyaa kɛsii vilɛiyo, a sina telen nda hun-ndo. Kɛ vanaa nia sina silala Mɛlɛka lan te.»