Yeremi 5:4 - BII BILA

⁴ I va yiyanndo maa: «O co vanaa sɔvɛ le vannda ha co le, a tosa sɔɔn kɔlkalu le, kani a sina nɛi Mɛlɛka-o le, tɔŋ Hala ndaa pɛɛn.

Yeremi 5:4 Referans Kwoze

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Yeremi 8:7

Hali yow yɔɔyaa cɔcɔɛi vilɛiyo sina telen ndɔɔ, piinndo, lɛɛfɛnndo a yow yɔɔyaa kɛsii vilɛiyo, a sina telen nda hun-ndo. Kɛ vanaa nia sina silala Mɛlɛka lan te.»

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Yeremi 7:8

Kɛ o sɔɔn lacòòvan n nɛŋi vana ɲɛ-ɲɛ loon coo niaa kɛsi kɔltan ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Esai 29:12

Te kon te mà yɔngu vana sina sɛbɛ loo sɛbɔɔ le tofaa lenin, mà dimul ndu aa: «Dimi sɛbɔɔ ho», kɛ mì vana kon dimi aa: «I sina sɛbɛ le.»