Yeremi 5:3 - BII BILA

³ Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Yeremi 5:3 Referans Kwoze

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Sofoni 3:7

O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Rɔmnda 2:2

N sina maa a toɲaa Hala kilu vanaa vaa lende yamɛi ni.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Esai 48:4

Kani yáà sina maa vanaa nila kalua niaa co ni, maa la kindi kɛsun niaan maa icilin, maa tendun niaan co n kala kpoke maa idaɲa.

Talelan 27:22

Vana cu bɛɛ diɔm sondo vesɛiyo o ciei nin mɛɛ vana cu kullon a sunndo yɛ, diɔmii ndɔɛi mel ndu le.

Talelan 23:35

A saan dimio aa: «A lɔɔ ya, kɛ o nɛi ya te! A kpuva ya, kɛ i sinan bɛɛ le! I keleŋa vɔ cɔnɔn mì ɲuna vɛlɛ le macelen.»

Talelan 22:12

Hɔlta Mɛlɛka lan la co sinapɛngoo kandaa, kɛ o co sɔɔn vanaa huiyaa n'vannda kɛɔ.

Talelan 21:29

Yiiyo vana kɔlvesɛiyo yii hɔlla ni. Kɛ vana sandaa ndu laalan kela ndɔɔ.

Condii lisai 51:6

I cua hakio a nɔm, nɔm pilɛ kpé, mí tosa ɲɛ co yɔŋ vɔɔndo nɔm o hɔl-lo. Le hee, sɔɛi-sɔɛi n dimi pɛ, a nɔ dí, yamɛi n kilunin ya-e venin yamɛi lakafa le.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Tɔŋ lasálàá 26:23

Te kon kpow tiw vɛlɛ le niaa silaa le, te la simul-la pɛ,

2Masaa 1:13

Mí masaa viam vɛlɛ simlacinɔ yàándɔɔ a kunda ndɔ n'van beleŋuɛɛnoo ndu kɔɔli. Mí simlacinɔ yàándɔ kunda n'van beleŋuɛɛnu kon hel pembei. Ndóò tiiyaa, mó baŋ vulan Elii o labɛngunin, mó tɛɛlun ndu aa: «Vana-tɛɛngaa-diom Hala-o, màá cɔ yoomu nuu a yoomu n'van beleŋuɛɛnua co haa buɛyaa nɔmnda-a ɲɛ sɔvɛ!

Yeremi 8:5

Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Yeremi 35:13

«Soo niko o vannda Yuda a o haa Yerusalɛm-ndo, mà dimul nda aa: Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: Vɛ̀ɛ̀ la nɔla sila nuu cɛlɔɔ mì la bii sɔɛi nii le?» Sɔɛi fula Mɛlɛka o sondo-e co ken ni.

Esekiɛl 2:4

Cuavaa kan nɔ hɔlta veseilan a kɔlvesɛiyo taw. O nda lo ya co nɔm vomɔɔ ni, mà kɔ soo o nda lo, mà dimul nda aa: ‹Lende Maalii Hala dimi ni!›

Daniɛl 9:13

Maa mɛɛ o sɛvan o tɔŋ Moise-o nin yɛ, mí sangala lan la toal naa coo. Kɛ hali kon, n cɛl le nɔm Mɛlɛka Hala naa kɔllo ɲulullo mí n mal yɔŋ vɔɔn naa le. N kindin le toɲa nɔmndo biyɔɔ le.

Amɔs 4:6

Ya Mɛlɛka yɛ, mí tuŋ niaa ɲɛdiaa, mí la lo sondola fondo o kobila niaalan nin, mí tuisi niaa yima fofolan coo o calta niaalan kpede. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

O Kandɔɔ 19:34

Diimandɔɔ, mí cua ndɔ tase kon dimul pɔmbɔ ndɔ aa: «Ciɛi icɔl, mí va a fuɲa naa. Lelan, n koesi ndu vɛlɛ hau mɔiyan, mì nɔm kɔ hini ndu kɔɔli dɔ́ɔ́ cɔɛllɛn. Te n tosa pɛ lende, n vilul ndu cuawva.»

1Masaa 13:33

Kɛ a dɛnɛ yɔŋnun kon-ndo kpede, Yeroboam mangala kela ndɔ vɔɔndo le. O va hiovɔɔ laci a vanaa ndáà yeema le siŋnɔnndo vanaa-solia-lasálàá-a hɛlio vannda tɛɛn le tombon sooloo.

Condii lisai 51:8

Kɛ ɲɛ hɛnan nɔmn-ndo, ndu co toɲa co o kɔllo nin di-o ni. Pɛɛku ya kɔlkaloo o kɔl nuu nin di-di.

Condii lisai 55:20

Màá Hala tuei sɔɔn ndan, mò tuisi nda siɛmbulan, ndu co Masaa kabi sindɛ-o! Kani vanaa kan mangalanin kela ndaa le, a nɔ siòòŋii Hala le.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Yeremi 15:7

O kobila co o lɛŋnden nin-ndan kpow, mí hul nda a fɛlɛ ni hɛyaa, mí hoeiye sɛŋi vanaa nia nɛɛ-nɛɛ ka, mí luei vanaa nia mulé le tuŋɔɔ ya tuŋ nda cuawva-o, kɛ a mangala kela ndaa le.

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.

Yeremi 44:10

Háá hau, mɔnɛi bii niaa le, la ke ya lebɛɛ le, vana-vana bii silala nilan a tɔŋnda ya yɔngu fuɲaa niaa mamaa a niaa pila lan te.»

Amɔs 4:8

Le hee, mí vannda va cɔnɔnndo o kobilan tan tiɔn te kon te tan yáá nin le kɔlan mɛnndan kolɔɔ o kobio ndu pilɛ nin, kɛ kolɔɔ iyeemaa cuu nda le. A kon kpow, la mùùngú ya o ibuŋ te. Ya Mɛlɛka soo nuaa ni.

Amɔs 4:9

Mí tuisi nààla latɔlɔɔlan o tɔlɔɔla niaalan coo, mí la foofi. Mí kambalaa sóónɔa dia nakɔla niaalan kpow, má dia nakɔla niaala n'rɛsɛnndan, nakɔla niaala n'voosulan a nakɔla niaala olivieelan. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Amɔs 4:10

Mí tuisi niaa nàà halimaa coo mɛɛ yáà tuisi ndu Esiptea coo lɔ́ɔ̀ kon yɛ, mí diw felengia niaa o mɔɛi cɔwve bɛngu, mí mal yaamɔɔa má bii soa niaa, mí tosa mí la tuɛi vanvílɛ́yaa siowva cun o dɔ́ɔ́ngɔ́ niaa nin. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Amɔs 4:11

Mí hiiluu niaa vooku-vooku mɛɛ ya hiiluu kobio Sodɔm a kobio Komɔr mí tɛɛmbuu lan yɛ. Niaa, mí la yɔŋnun vɔngɔɲɔn maa kili nda soli o yin-ndo. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.