Yeremi 5:29 - BII BILA

²⁹ Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:29 Referans Kwoze

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Yeremi 9:9

I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Esai 65:7

dɛnɛ biondɔnnda ndalan pɛɛn. Lende Mɛlɛka dimi ni. I tofanin vɛlɛ dɛnɛ biondɔnnda fuɲaa niaa lenin, fuɲa niaa lom lasikɔlɔ ansan o pembei coo-a, a tɛɛmbuu ya bɛ̀ɛ̀lan o pembun pɔmbɔn coo-a. I tuunin sala ndaa kpafii mɛɛ dɛnnda ndalan la yɔŋnun paandu yɛ.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.