Yeremi 5:26 - BII BILA

²⁶ Kani vanaa kɔlvesɛiya co vanaa nia tɛɛn, vana ca ko nda a tundan aa vana biyaa n'yowvo co mɛngɛlaa ni. A co yaŋɔɔlan handɔɔ le vanndacieea biyɔɔ.

Yeremi 5:26 Referans Kwoze

Talelan 1:11

Taa dimul nɔm pɛ aa: ‹Hun n kɔnnun, mì n kɔ miingun yaŋɔɔlan mì n diinun vanndacieea. N hendulun vana tɛɛmbuu isɔɔ loo yaŋɔɔlan o fondo fúúo coo,

Yeremi 18:22

Màá yeelan la va sɔɛi o la nda lo cɛilan nin, telen n solulnin nda vanaa del vannda coo, mà del nda coo-o! Kani a co bɛɛndianndo le ya biyɔɔ, a cii yaŋɔɔlen handɔɔ ya laci.

Condii lisai 64:5

A co vana tɛɛmbuu isɔɔ loo vuuo nɛɛ nda co a viannannda-a, a voolu ndu ma vuu ndu, buulan co nda bɛɛ le.

Luke 5:10

Mí siòònde bii vɛlɛ caaŋaa ŋiɔŋa Simɔn-nda, Nsaki nda Nsaŋ, poaa Sebede-a pɛɛn. Kɛ mí Yeesu dimul Simɔn aa: «Yɔŋ isiòòn te, kani o hau kɔɔli, vana yɔɔyaa n'vanndaciee-o n vanin ni.»

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Esai 32:7

Vana huiya n'vanndo ndu, dɛnnda ndɔlan yɔŋ vɔɔndo tuŋ. Tuula vɔɔnndan kínɛí o tuu o kɔl ndɔɔ nin ni, le vanaa ikɔɔa mɔnɛi lueiyo a sɔɔn lacòòvan, hali vana bala fondo kon nɔ bɛɛ dio o sɔɛi ken nin.

Yeremi 9:8

Sɔɛi fula Mɛlɛka o sondo-e co hee ni aa: «Vɛ̀ɛ̀ i bɛnda mì kpaa vannda ha le dɛnnda lan te? Vɛ̀ɛ̀ i mingul vannda ha mɛɛ dɛnnda ndalan la co yɛ le?»

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Misee 6:10

Vɛ̀ɛ̀ ɲɛ-sɔlaa lakafaa co vɔ o vana kɔlvesɛiyo lo cɛinin? Vɛ̀ɛ̀ panila o dɔɔniaa lan la co vɔ ndu o ba? Dɛnnda tɛ́ɛ́mbùù ya kɔllo lan la co lan ni.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.