Yeremi 5:24 - BII BILA

²⁴ La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

Yeremi 5:24 Referans Kwoze

Condii lisai 147:8

Ndu kumbu piɔɔ-volia o halataalaa coo ni, mò toosiaa piɔɔ le lɛŋnden pɔɔliaa, mò tosa mì billo vil o pembon coo.

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

O Kandɔɔ 8:22

Te lɛŋnden le co vɔ pɛ, ciɛɔn vanin saŋnɔnndo a kownɔnndo, hoeiye a hangullo vanin, vɔɔlen a sialten le vanin, paalen a ɲumndan ma vanin. Ɲɛm mun pɛnginin tosanndo le few.»

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Dɛnnda cɔɔmuanndan 11:6

A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Sakari 10:1

«La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

Amɔs 4:7

Ndóò lo vɔ paangon mún yáá le telen koavaa tiiyaa, mí tuŋ niaa piɔɔ. Mí tuisi piɔɔ o kobio o pilɛ coo, mí kɛɛ le ndu tuisio o kobio pilɔɔ coo. Mó sia o ciɛi pilɛ coo, kɛ o se o ciɛi pílɛi coo le, mí ɲɛm ndáà váá o ciɛi ken nin-ndon vesan a valoo.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Esai 64:7

Nduyɛ nɔm Mɛlɛka, nɔm co fuɲa naa ni, naa naa, puulu cɔavaa n'kpɛɛnɔɔ naa n co ni, nɔm co vana cɔw naa-o ni, naa kpow, vali bala nɔmndan la tosa-o naa n co ni.

SƐBƐ YƆB-O 38:37

Nɛ̀ɛ́ nɔ yɛ dɛnɛ sinaa le yumbuyumboo cɔmndo tɛ́kpɛ́-tɛ́kpɛ́, a le mɛmma co o halataala-an kpow cuuŋuuo

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Tɔŋ miingua 28:12

Mɛlɛka kumbilnin niaa bolofaa ndɔ kɛndɔɔ o halataala, mò tuisi piɔɔ o telen ndɔɔ o lɛŋnde niaalen coo, le valta niaa vanin tosaa lan duaa dɔvɔɔ. La dɔndanin vanaa-mangalaa-isɔaa bɔɔ-bɔɔ ɲɔɔn, kɛ niaa cuenin dɔndɔ le.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

SƐBƐ YƆB-O 5:10

Ndu tuisì piɔɔ o lɛŋnden coo ni, ndu koni tuisì vɛlɛ mɛnndan le ciɛɔn pɔɔliaa ni.

Condii lisai 65:9

Siòònde bii vanaa co o lɛŋnde mɛɛlulan-nda le dɛnnda kaamaala nɔmndan. Vanaa co ba paalen le can-ndo-a a vanaa co ba paalen le del-lo-a a co yondaa a kɔlkɛndɔɔ.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

SƐBƐ YƆB-O 29:23

Cumndo ndáà cum ya ni, mɛ̀ɛ́-mɛ̀ɛ́ vana cum piɔɔ le siaa nuaa yɛ, A va sondolan kumbio le cumndo mɛɛ vana cum piɔɔ sialte tasoo nuaa yɛ.

Yeremi 10:13

O cua dɔ́ɔ́ pɛ sondoo, mɛnndan ma cuungian o halataala, coocoo piimiaa kɔɔli-kɔɔli, ɲɔɔ kandu dɔ́ɔ́ volio le piɔɔ tuisio, hoeiye cɛn hɔŋndo.