Yeremi 5:22 - BII BILA

²² Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Yeremi 5:22 Referans Kwoze

Condii lisai 104:9

A cii man pɛɛngulan kɛsul, ma tiwba hiovɔɔ lon te, ma muungu lɛnin mì ma kumbu lɛŋnden lɔ́ɔ́-lɔ́ɔ̀ le.

SƐBƐ YƆB-O 26:10

O kila kando tiilan tíwvo o mɛmma ihɛllan balɔɔ pindo, háá nɛɛ pɛɛngulan la co ɲɛ-tengaa a ɲumndan tɛɛn-nda.

Talelan 8:29

mó kilul mɛmma ihɛllan kpélénndo, ò ma bɛnda le hiovɔɔ loo. Mó kila fonda lɛŋnden le cal coo-o.

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Tɔŋ miingua 28:58

Te la bìí sɔɔn tɔŋndo ho kpow, mì la kela lecoo le, sɔɔn sɛvan mun o sɛbɔɔ nin-ndon pɛɛn, te la yɔ́ŋ siòònde a diola lebɛɛla kpúlúnkùmala Mɛlɛka Hala niaa le,

Nahum 1:4

O kɔngɔlan mɛmma ihɛllan, mí ma vela sɛ́ɛ́n. Ndu veeliaa peelan kpow ni. Bil puiyaa Basan a hoo o pembei Karmɛl yɛngullo vesa kékélé. Yandɔɔ billo Liban ɲɔfɔliaa.

Yeremi 10:7

Nɛ̀ɛ́-nɛ̀ kɛɛ yɛnin nɔm vo, nɔm co masaa le vanaa-mangalaa-isɔɔa súúlan kpow-vo? Nɔm vana bɛnda le vou ni, kani o vanaa kɔlkalua co vanaa-mangalaa-isɔɔa súúlan kpow-va tɛɛn, a o masɛi ndɛi kpow nin, vana-vana co maa nɔm te.

Marke 4:39

Ndóò tiondɔɔ, mó soaa o hoeiye lo a kpaayaa, mó dimul mɛnndan aa: «Mei! I tuɛi lɛhau le dɛ!» Mí hoeiye pɛngi hɔŋndo, mí ɲɔɔ mei kpili.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Amɔs 9:6

Mɛlɛka cɔw calta ndɔlan o halataala, o tondu halataalaa o lɛŋnden coo, o cuungiaa mɛmma ihɛllan, mó saŋ man o lɛŋnden coo. Diola ndɔlan aa Mɛlɛka.

Condii lisai 99:1

Mɛlɛka co masaa ni, vanaa-mangalaa-isɔɔa co ɲiiyaa. O co icali o kpɛŋɛ lemasa ndɔɔ nin mɛlɛkaa kanda ɲɛm Hala-on-nda tɛɛn, lɛŋnden le co ɲiiyaa.

Condii lisai 33:7

Ndu nɛɛnuu mɛmma ihɛllan ni, mó dii man nɛɛ pilɛ, mó bii mɛmma ihɛlma bɛnduan o fondala mandaalan nin.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Luke 12:5

Kɛ i cɔmnin niaa vana niaa bɛnda le vou-vo. La vo Hala, o nɔ kpaayaa-o, te o cii pɛ vana diyɔɔ, o viow o ɲánndávàà. Maa lekɛ́ndɛi, mì dimul niaa, ndu niaa bɛnda mì la vo ni.

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

O Kandɔɔ 1:9

Mí Hala dimi aa: «Mɛmma co o lɛŋnden coo-an mà diinún nɛɛ pilɛ mì kɔngɔ vesɛiyo lo baa pilɔɔ.» Mí ɲɔɔ tosan lende.

SƐBƐ YƆB-O 38:8

Nɛ̀ɛ́ kinda yɛ mɛmma ihɛllan diolan kɔɔli lɔ́ɔ́ ma va fulaa o lɛŋnden bɛngu-o?

Condii lisai 46:3

Lelan, siòòŋii co naa a ɲɛ-ɲɛ le. Hali lɛŋnden le va bɛɛ ɲiiyaa, mì pembon va koombiaa o mɛmma ihɛllan tɛɛn,

Esai 64:2

Tuma n tosa dɛnnda vueinannda naa n ve kɔl te lan-ndo, má toal, mí pembon hiilun nɔm laci.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Amɔs 4:12

Lelan, lende ya co niaa hunɔɔ tosal ni, niaa cuavaa Israɛlla. Le tùú ya co niaa hunɔɔ tosal lende-o, la bɛɛndian le Hala niaa bɔŋaa, niaa cuavaa Israɛlla.

1Masaa 13:28

mó kɔa, mó komal vana vílɛ́i kon o delaa o nɛi, sofɛlɔɔ a yàlàá va isisi ndu ikɛi. Kɛ nduyɛ yàlàá di vana vílɛ́i kon te, o tosal vɛlɛ sofɛlɔɔ ɲɛ-ɲɛ vɔɔn te.

SƐBƐ YƆB-O 37:24

Lelan, vanndacieea bɛnda mà nɔ siòòŋii ndɔɛi. Kɛ o nɔ vanaa cennun nda pila vanaa kɔlkalua-a lehɔl coo le.»

Yeremi 31:35

Mɛlɛka, o kɛsi paalen o fonda ndɔɔ-o, o co ɲɛ-tengaa yɔngoo ipala-o, o dimul paangei a loeon le vaa ɲɛ-tengaa yɔngoo icɔl-lo, o tosa mí mɛmma ihɛllan ma hel kpungbuulan a ba ndɔ-o, o nɔ diolan aa Mɛlɛka-Nɔ-Kpaayaa-Kpow-vo-o dimi lende ni.

Yonas 1:16

O kon, mí siòònde bii vana-vana va o dɛ̀ndɛ̀ kon nin-nda a Mɛlɛka, má solul ndu sálàá, má cua ciɛ́ɔn o ndu lo kpéŋ-kpéŋ.