Yeremi 5:21 - BII BILA

²¹ Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Yeremi 5:21 Referans Kwoze

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Dɛnnda kiilaa 28:26

mó dimi aa: ‹Kɔ dimul vannda ha aa: La tuɛinin ɲɛkɛndɛi, kɛ la biinin bila le, la tofanin, kɛ la cinin te.

Rɔmnda 11:8

maa mɛɛ o sɛvan yɛ aa: «Háá paalen nden haw, Hala yɔngu nda dialun vílɛ́in bɛndu-bɛndon, mó suumiaa nda yɔŋii nda cɔ, mó kindi nda nilan yɔŋii nda tuei.»

Nsaŋ 12:40

«Hala suumiaa nda hɔltan, mó kindi nda nilan, haliko a ca le, a bii bila le, a mangalan o kon mì i singi nda le.»

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Marke 8:18

La nɔ hɔltan, kɛ la co macoaa cɔ a lan te? La nɔ nilan, kɛ la co macoaa tueyɔɔ a lan te? Vɛ̀ɛ̀ la co loonɔn te,

Yeremi 8:7

Hali yow yɔɔyaa cɔcɔɛi vilɛiyo sina telen ndɔɔ, piinndo, lɛɛfɛnndo a yow yɔɔyaa kɛsii vilɛiyo, a sina telen nda hun-ndo. Kɛ vanaa nia sina silala Mɛlɛka lan te.»

Yeremi 5:4

I va yiyanndo maa: «O co vanaa sɔvɛ le vannda ha co le, a tosa sɔɔn kɔlkalu le, kani a sina nɛi Mɛlɛka-o le, tɔŋ Hala ndaa pɛɛn.

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Condii lisai 94:8

La caa dɛ, niaa diɔmnda ha. Niaa vanaa kindu ha lakɔl te-a, lɔ́ɔ́ kuɛɛ niaa sɔ̀là yɛnin kɔlkaloo?

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.

Tɔŋ miingua 32:6

Vɛ̀ɛ̀ nuaa vana tosa a Mɛlɛka ni? Éé niaa, la co diɔmaa bɛndu! La kindu lakɔl te few! O co macoaa fuɲa niaa le o co le? Vɛ̀ɛ̀ o co ndu le cɔw niaa le? O co ndu le toosiaa niaa mó kɛsi niaa le?

Tɔŋ miingua 29:4

Ya Mɛlɛka, mí sim niaa laci le kɔlan o lɛŋnde veselɛilen nin o vɔsilan belehiɔɔlu bɛngu, volɔɔla cuɛinannda niaalan la siɔŋ niaa lekɔɔ le, samtala niaalan bɛɛ la siɔŋ niaa o n'pelu le.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

Rɔmnda 1:20

Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

Esai 43:8

La soli vanaa sumɛyaa nɔ kan hɔltan-nda, mì la soli vanaa nɔ vɛlɛ kan nilan kɛ a tui a lan te-a.

Yeremi 5:20

«La yonda sɔɛi he o Yakɔb lo cɛinin, mì la dimi ndi o tàndá Yuda-o nin aa:

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Tɔŋ miingua 29:3

Kɛ háá hau, Mɛlɛka yɔngu vɔ niaa kɔllo le lan biyɔɔ bila le, o yɔngu vɔ niaa hɔltan le cɔu le, o yɔngu vɔ vɛlɛ niaa nilan le tueyɔɔ le.

Yeremi 7:13

Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,