Yeremi 5:19 - BII BILA

¹⁹ O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Yeremi 5:19 Referans Kwoze

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Cɛɛŋɔnnda Yeremi lan 5:8

Cɛa co masalen tosaa naa coo, nduyɛ vana-vana co le naa solio nda o ba le.

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Yeremi 2:14

Vɛ̀ɛ̀ cɛ nda pendu-o Israɛl co ni baa cɛ velun vana ndɔ bɛndoo o bɛngu coo-o? Kɛ le yɛɛ o del-lɛ niko lɛŋii celen o ba?

Yeremi 5:18

Mí Mɛlɛka dimi aa: «Kɛ hali o palɛi ken nin, i diwnin niaa kpow le.

Yeremi 5:20

«La yonda sɔɛi he o Yakɔb lo cɛinin, mì la dimi ndi o tàndá Yuda-o nin aa:

Yeremi 9:13

Le tùú nda del yiyannda ndala nda pila lan kɔɔli, má kɔa halaa Baal-la kɔɔli, maa mɛɛ fuɲaa ndaa mamaa pɛɛku nda yɛ-o,

Yeremi 9:12

Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»