Yeremi 5:18 - BII BILA

¹⁸ Mí Mɛlɛka dimi aa: «Kɛ hali o palɛi ken nin, i diwnin niaa kpow le.

Yeremi 5:18 Referans Kwoze

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Esekiɛl 11:13

O kon, telen ya va diom Mɛlɛka kon tɛɛnguuo-o, mí Pelatia po Benaya-o vu. Le hee, mí (ya Esekiɛl) del lɛŋ o kuumbuan o kɔl coo, mí koŋul coocoo kpélén aa: «Éé Maalii Hala! Vɛ̀ɛ̀ a yeema ma cii Israɛlaa tɔ̀a lo yoomu-a diw?»

Esekiɛl 9:8

Tuma nda va vannda diwvo mí lo ya pilɛ kpé-o, mí del lɛŋ o kuumbuan o kɔl coo, mí koŋul aa: «Éé Maalii, Mɛlɛka! Vɛ̀ɛ̀ má tuisi kɔltuw nɔmndo Yerusalɛm coo, má siow Israɛlaa tɔ̀a lo yoomu-a diw kpede?»

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Esekiɛl 20:17

Kɛ mɛɛ ya tofa nda, mí ɲíí ndɛi bii ya taw, mí ɲííye bii ya le nda ciiyo diwvo. Le hee, i cii lɛ nda diw o lɛŋnde veselɛilen nin te.

Habakuk 1:12

Kɛ nɔm yɛ, vɛ̀ɛ̀ o co nɔm te co Mɛlɛka nuu le fɛɛn a fɛɛn te? Hala nuu, O-Diandaa nuu pɛɛn. N vinin o laan te few! Nɔm Mɛlɛka, nɔm hɛli Babilɔnnda ha le naa yamɛi kiolɔɔ ni. Nɔm Hala co tiindan nuu ni, nɔm vem nda le naa dɛnɛ palaa tuisio coo nuaa ni.