Yeremi 5:17 - BII BILA

¹⁷ Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Yeremi 5:17 Referans Kwoze

Tɔŋ miingua 28:33

Vanaa-mangalaa-isɔaa niaa sina le-a dianin tɔlɔɔla niaalan a valta niaalan tɔnɔ. A vanin niaa delɔɔ coo a niaa mɔnɛi lueiyo tuŋ.

Tɔŋ lasálàá 26:16

la tuei-yɔ mɛɛ ya tosalnin niaa yɛ: I tuisinin kɔl yulan-yulanndo, ɲawvo a nààla dialun tuwlan niaa coo. Nààla lan la tɛɛmbuunin niaa hɔltan mì la dɔw niaa pila yɛɛvɛ. La vanin ciɛɔn niaa fondo fúú, kani yaamɔaa niaa dɔawnunnin balo a mun ni.

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Esekiɛl 36:4

lelan niaa pembon Israɛl, la yaŋ-ndɔ nilan o sɔɛi Maalii Hala dimi-e! A toɲa, Maalii, o co Mɛlɛka-o soo pembun bɛndon, mó soaa pembun pɔmbɔn, kpolonndan, bóltan, bémbéla piɔlɛilan a kobila vannda piow nin-ndan, kobila vanaa-mangalaa-isɔaa balu lon-nda mal pungaa nin má mam lan-ndan pɛɛn.

Cɛɛŋɔnnda Yeremi lan 2:2

Mí Mɛlɛka tɛɛmbuu calta Yakɔb lan kpow a kɔltuwvo, o tosa iɲíí le. Mó puusiaa kobila Yudala va o kpakilan nin-ndan. Mó viaw nda lɛŋ, mó soli masalen a simlacia o báà nin.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 4:26

Mí tofa, mí ca lɛŋnde Karmɛl-ten le muungu lɛŋnde veselɛilen, kobila ndɔlan kpow la tambu a kɔltuw Mɛlɛka-o.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Yeremi 1:15

Kani i co vanaa-mangalaa-isɔaa co o masɛi co a ba luaŋ-ndo nin-nda veelu. Sɔɛi fula ya Mɛlɛka o sondo-e co ken ni! A hunnin kpow mì vana-vana kɛsi kpɛŋɛ lemasa ndɔɔ o diolan Yerusalɛm sondoo, o sungbule kpakio balɔɔ sɔ́ a o kobila Yuda lan kpow balɔɔ.

Esai 65:22

A tengul-lɛnin cɛilan mì vana celen koma luɛi lenin te, a tol-lɛnin le vana celen baloo dɔvɔɔ le, kani vanaa niaa viawnin yoomu mɛɛ yɔmii tɔalɛi viaw yoomu yɛ. Nduyɛ vanaa niaa hɛlinnda a dianin baala nda tosa a bala ndalan-ndo tɔnɔ.

Esai 62:9

Kɛ vanaa koawnin maalon-nda dianin mun, mà mel Mɛlɛka balika. Vanaa kiandunin rɛsɛnndon-nda bɛɛ, a kolnin mɔima ndan o bɛ́ɛ̀la cɛi ni diandaa nin.

Esai 62:8

Mɛlɛka mɛnan a kpaaya ndɔɔ aa: «I yɔngu lɛnin yaamɔaa nɔmnda malun nɔmndon, mà dɔwnun balo a mun te, cuavaa miallo kol-lɛnin mɔima yɛngima nɔm-ma fula o sanga nɔmndo nin-ndan te.

Yeremi 5:18

Mí Mɛlɛka dimi aa: «Kɛ hali o palɛi ken nin, i diwnin niaa kpow le.

Yeremi 8:13

Mí Mɛlɛka dimi aa: «I yeema mi cii a nda, rɛsɛŋun ve lɛnin o rɛsɛn tumndo coo le, buumbun ve lɛnin o vosu tumndo coo le, pei simbulunnin, ɲɛ yáà ke nda-o hialunnin nda.»

Yeremi 25:37

Vɔlɛla sɔkɔ-sɔkɔlan la mei kpili a kɔltuw bɛndu Mɛlɛka-o.

Cɛɛŋɔnnda Yeremi lan 2:12

Cuaambɔa kan a co kalaa ndaa ɲunaa aa: ‹Kuɛɛ nɛ vana sɔ́là yɛ ɲɛdiaa?› A co delio o nɛila kobio coo maa vanaa voosɛi, mà va vuo kalaa ndaa o laba.

Osee 2:12

A toɲa, i ciinin ndu bɛ̀ɛ̀lan mì siɛmbulan la tol ndu sámáá ndɔa o hɔl kpendekele. Vana-vana kuunanin ya ken tosa le.

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.

Yɔɛl 2:3

Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.