Biblia Todo Logo
Bib sou entènèt

- Piblisite -




Yeremi 5:15 - BII BILA

15 Mí Mɛlɛka dimi aa: «I co vanaa-mangalaa-isɔɔa cuu fulaa nɛɛ levil, má hun del niaa coo, niaa yungu Israɛl-lo pɛɛn. Vanaa-mangalaa-isɔɔa kpaayaa nda co ni, a masindɛa pɛɛn. Vanaa niaa sina sɔɛi ndɛi le-a, a niaa bii sɔɛi ndɛi bila le-a.

Gade chapit la Kopi




Yeremi 5:15
27 Referans Kwoze  

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.


La yiyalan vanaa-mangalaa-isɔɔa sɔɛi ken, mì la cɔm Yerusalɛm ndi aa: ‹Vanaa del vannda coo-a co hunɔɔ fulaa nɛɛ levil, a co yondaa a sɔɔn vɔɔnndon dimio a kobilan Yuda.


A ci lɛnin vanaa hɔlta vesɛiyaa kan te, vanaa sɔɛi ndɛi mangalɛi co kan yɔɔluyɔɔlu-a, a vanaa bii kan sɔɛi ndɛi mangalɛi bila le-a pɛɛn.


Le hee, o diomnda lɔngɔlɛilan nin a o sɔɛi mangalɛi súú celen nin Mɛlɛka soaanin o vannda ha lo ni.


O heelu lɛfɛ landaa le vanaa-mangalaa-isɔaa co nɛɛ levil-la, o hɔŋ hùíyé le nda veeloo nɛɛ nda co o lɛŋnden mɛɛlulan-nda. Tofa vɔ nda hunɔɔ cɔ́-cɔ́, a nɛiyo fééndà-fééndà.


i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.


Kani i co vanaa-mangalaa-isɔaa co o masɛi co a ba luaŋ-ndo nin-nda veelu. Sɔɛi fula ya Mɛlɛka o sondo-e co ken ni! A hunnin kpow mì vana-vana kɛsi kpɛŋɛ lemasa ndɔɔ o diolan Yerusalɛm sondoo, o sungbule kpakio balɔɔ sɔ́ a o kobila Yuda lan kpow balɔɔ.


Kani o co o sɛvaa aa: «I keinin a sɔɔn mangalan celen a á sondola mialla, mì dimul vannda ha sɔɔn, kɛ a kon kpow, a yeŋnin ya lani le.»


La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?


O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.


Kani Israɛlla nda Yudaa hui ya.» Sɔɛi fula Mɛlɛka o sondo-e co ken ni.


Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.


Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.


I tiilanin niaa ba-ba fee. I lueinin niaa o píŋndo nin a kundala cɔwla nilan, i baŋnin kungala saasalan le niaa biyɔɔ.


Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»


O kon kɔɔli, mí va hiovɔɔ laci a vundule len cɔu, mí ca vɛlɛ visi celen, o hiɔɔlundɔɔ. Visi vueinanndo a visi nɔ kpaaya kɔndɔfillo-o pɛɛn. Ciŋun iciliŋun bɛndon va ndu o sondo. O va dioo a cuiyo, mó va ɲɛ tɔ̀ va lou-vo nɛwvo a labɛngu. O va teengen a visia tasea fula ndu laci-a, ndóò nɔ leelan tɔ́.


Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»


Vanaa-mangalaa-isɔaa niaa sina le-a dianin tɔlɔɔla niaalan a valta niaalan tɔnɔ. A vanin niaa delɔɔ coo a niaa mɔnɛi lueiyo tuŋ.


Kani tɔŋ Israɛlla bɛnda ma bii-yo co kon ni, ɲɛ Hala Yakɔb-o kelu-o co kon ni,


O kon mí vana-tɛɛngaa-diom Hala-o, Esai, kɔa o masaa Esekia lo, mó ɲuna ndu aa: «Yɛɛ nɛ vannda ha dimi yɛ? Kuɛɛ nda cɛn yɛ má hun o nɔm ndo?» Mí Esekia muli aa: «Nɛɛ levil di-di nda cɛn ni má hun o ya lo, Babilɔn pɔ́ nda cɛn ni.»


Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.


Lelan niaa cuavaa Israɛlla, la tuei-yɔ ɲɛ Mɛlɛka, Hala-Nɔ-Kpaayaa-Kpow-vo dimi-o: I cuanin vanaa-mangalaa-isɔɔa pum, mà kandu niaa kpukpaa Lebo-Hamat, mà kɔ tiiya a niaa mɔnɛi lueiyo háá o pee pɔmbɔ co o bóllo Araba nin-ndo.›»


Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.


Swiv nou:

Piblisite


Piblisite