Yeremi 5:13 - BII BILA

¹³ Hoeyii fondoei fúú vanaa-tɛɛngaa-diom Hala-a co ni, o co Hala le co sɔɛi o nda lo le. Màá i yɔŋnun nda mɛɛ nda co dimio yɛ!»

Yeremi 5:13 Referans Kwoze

Yeremi 14:15

Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Yeremi 14:13

Mí muli aa: «Éé Maalii Hala! Vanaa-tɛɛngaa-diom Hala-a ndaa co nda dimullo aa: ‹Fɛɛn bɛɛ la sinanin ɲɛ co cɔwvo a yima fofolan-ndo le. Kɛ Hala kenin niaa kɔlɲulu kpeekpeiyo o fondaa ho.›»

SƐBƐ YƆB-O 8:2

«Lɔ́ɔ́ kuɛɛ n mei yɛnin sɔɔn kólóman mun dimio? Tuma kuɛɛ sɔɔn co mun maa hoeyii fùkù-fùkù-on pɛngi yɛnin fulaa nɔm o sondo?

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Yeremi 28:3

Nanu a vɔsilan tan tiɔn, i co ɲɛm-laandun va le Cɛi-Hala-on mingi o fondaa ho, n masaa Nebukanɛsar ndóò soli, mó kɔannun a mun Babilɔn-ndon.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

SƐBƐ YƆB-O 6:26

Bàà sɔɔn fula ya sondo-on kínɛí niaa co fooyaa ho ni? O hoeiye nin sɔɔn vana nɔ tiindan too dimì-on kɔannun ni.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Talelan 25:14

Vana dimì le vanndo ɲɔɔ keo kɛ o yɔngu ndu loo co ko maa piɔɔ hel mò yɔngu hoeiye kɛ o se loo.

Esai 41:29

Tofa vɔ, nda kpede ɲɛ fondoo fúú nda co ni. Dɛnnda ndalan kpow la co ɲɛ-ɲɛ le. Hoeiye a ɲɛ fondoo piɔmaa ndaa co ni.

Yeremi 22:22

Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»