Yeremi 5:12 - BII BILA

¹² A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Yeremi 5:12 Referans Kwoze

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

1Samiɛl 6:9

O kon la mɛɛndan, te nawva bii pɛ nɛiyo le kɔlan o lɛŋnde Israɛlla nin, mà kei a Bɛt-Siemɛs, mɛɛ kon co dimio ni maa Hala Israɛlla lekɛ́ndɛi va naa sangaa ho tuisio coo ni. Kɛ te navaa kalaa bii nɛi kon te, n sina dɔ́ɔ́ maa o co ndu le tuisi naa sangalan ndan coo le, maa nɛɛ celen la cɛn ni mí la toal naa coo.»

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Esekiɛl 13:6

A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.

Yeremi 28:4

I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Yeremi 4:10

Mí yonda aa: «Éé! Maalii Hala, a kei vannda ha a Yerusalɛmnda baa o mundu, má dimul nda aa la sɔlanin kɔlɲuloo, nduyɛ, cɛɛluuo tuŋ mɔɛi cɔwve co nda ni.»

Condii lisai 10:6

O co dimio aa: «Dɛnɛ palaa kɛ́-kɛ̀ co ya cum te. Le fɛɛn a fɛɛn, i co vannɔn o kandaa nin le dɛnɛ palaa.»

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 43:1

Telen Yeremi cii vannda kpow sɔɔn Mɛlɛka Hala ndaa dimul ndu-on tɛɛngul-lo, sɔɔn Mɛlɛka Hala ndaa ndóò dimul ndu mun le nda kpow-von pɛɛn,

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.