Yeremi 5:10 - BII BILA

¹⁰ La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 5:10 Referans Kwoze

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Matie 22:7

Mí masaa tuulu kɔl, mó viam vanaa ndɔa cɔwva, má kɔ diw vanaa diuvaa kan, má loam kobi ndaa.

Osee 1:9

Mí Mɛlɛka dimul Osee aa: «Ke ndu diolan aa Lo-Ammi (kon co dimio ni aa «Co-Yungu-Ni-Le»). Kani niaa Israɛlla, la co lɛ yungu ni le, ya bɛɛ, i ve lɛnin ɲɛ-ɲɛ niaa le.»

Yeremi 39:8

Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Amɔs 9:8

La tofa vɔ, Maalii, o co Mɛlɛka-o, co masale lahakilen nden mɛɛndanndo a dimio aa: «I co lakɔ len tɛɛmbuu mì le faŋan o lɛŋnden coo, Kɛ o bɛnda mì tɛɛmbuu cɛi Yakɔb-o kpede le. Ya Mɛlɛka dimi lende ni.

Esekiɛl 14:17

Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,

Esekiɛl 12:16

Kɛ o nda tɛɛn, i mɛinin vannda a pum yoomu, a hialunnin mɔɛi cɔwve, mà cinda a yima fofolan a á nàà n'kɔnyaa-a, haliko mà kɔ downun vanaa-mangalaa-isɔɔa nda kɔanin tɛɛn-nda kona, mà cɔm nda dɛnnda nɔɔlɛila ndalan kpow. O kon, vanaa kan bɛɛ a sinanin maa ya co Mɛlɛka ni.»

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 5:18

Mí Mɛlɛka dimi aa: «Kɛ hali o palɛi ken nin, i diwnin niaa kpow le.

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Yeremi 5:11

Kani Israɛlla nda Yudaa hui ya.» Sɔɛi fula Mɛlɛka o sondo-e co ken ni.

2Dɛnnda lemasalan 12:4

Mó bii kobila mayoomula va o tàndá Yuda-o nin-ndan háá tiiyaa Yerusalɛm.

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?