Yeremi 5:1 - BII BILA

¹ «La balu o nɛilan Yerusalɛm coo, mì la mɛɛndian, mì la ɲuuniaa, mì la nuwviaa o bɛ́ɛ̀lan kpow. Te la saalun pɛ vanndo, hali o pilɛ kpé, o sandu-o, o yeema dɛnɛ sandaa-o, o kon, i mal Yerusalɛm haki.»

Yeremi 5:1 Referans Kwoze

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Esai 59:4

Vana-vana co sei biyɔɔ o isandu coo le, vana-vana co kɔsa o toɲa coo le, nda kpow sɔɔn fondon nda tiindan ni, ma va sɔɔn lacòòvan nɔ kɔlɔ loon solinndo o lasondo, a co foli dɛnɛ vɔɔndo cuaa, ma va dɛnɛ sandaa lepɛŋndo violɔɔ.

Condii lisai 14:3

Kɛ nda kpow a mal nɛiyo, nda kpede a laasian latulu. Vana-vana co dɛnɛ kɛndɛ tosa le. O pilɛ bɛɛ!

Talelan 20:6

Vannda taw a co cɔmnɔnndo maa a lò o lediom coo, kɛ nɛ̀ɛ́ nɔla yɛ vana lò o diomnden coo-o saalɔn?

Condii lisai 12:1

Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

Luke 14:21

Mɛɛ buɛi kon muungu o vana ndɔ bɛndoo lo, mó kɔ tɛɛngul ndu mulilan ndan. Mí simlaci leyungu kon tuulu kɔl. Mó dimul buɛi ndɔɔ aa: ‹Kɔ cɔ́-cɔ́ o bɛ́ɛ̀lan a o nɛila kobio ho, mà hin a vanaa bala fondoa, namtaa, vanaa sumɛiya a vanaa bɛvɛiya.›

Sakari 2:4

Mí ɲuna aa: ‹Yɛɛ nɛ nda nda co yɛ hunɔɔ tosa?› Mó mulul-la aa: ‹Sumnda ha hin le vanaa-mangalaa-isɔaa kundu tàndá Yuda-o a leela ndalan, mà puusiaa vanndacieea-a vueinɔnndo a le leela ndala lan yimio ni.›

Amɔs 8:12

O kon, vannda vanin heeloo a tuusoo o mɛmma ihɛllan, a cɛn pɛ o man a kɔɛ o mapilɛan, a vanin cɔnɔnndo a ba luaŋ-ndo, mà va kɔlan a ba paalen le can-ndo, a vanin kɔlan ba-ba fee le sɔɛi Mɛlɛka-e nuwviaa, kɛ a seelunnin ndi le few.

Yɔɛl 2:9

A keleŋa tiw o kobio nin cɔ́-cɔ́, a co kiltan o kpakio coo, a co helɔɔ o cɛilan coo, a co luɛyɔɔ o diola pɔmbɔlan maa n'vui.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Condii kɛndɛ-kɛndɛi 3:2

Lelan, i cannin mì kela nuwviaa o kobio nin, mì kela o lɔ́ɔ́lan nin a o nɛilan coo, i nuwviaanin vanapɔnɔ kɔl nuu kaola-o. I co ndu nuwviaa taw, kɛ i co ndu saalɔn te.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Talelan 8:3

o co isisi o diola luɛyaala kobio sondoo, o co yondaa o fondala hiavaalan aa:

1Masaa 19:10

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

Yeremi 2:29

Le yɛɛ niaa yeema yɛ le ya kɔɔsallo? Niaa kpow, la cɛn mí la simul-la. Ya Mɛlɛka co sɔɛi nuaa ni.

Yeremi 44:15

O kon mí vanpiaandua ndáà sina nin maa laandaa ndaa va halaa celennda sálàlan solullo-a kpow, a vanlaandua sɛ́lɛ́ bɛndua a va lon-nda, a vanaa-vanaa va icali Patrɔs o lɛŋnde Esipte len nin a mulul Yeremi aa:

Condii lisai 14:2

Mɛlɛka co o halataala mò va tundɔnndo, le vanndacieea mɛɛndanndo lɛŋ, le sinaa te vana pum nɔ pɛ taasio, mó va ndu Hala nuwviaa.

Condii lisai 94:16

Kpòkóó mɔnɛi. Ɔ́ɔ̀ vana cannin mò simul vanaa lahakia ha le ya-o? Nɛ̀ɛ́ simul-lɛnin vanaa yɔŋ vɔɔnda ha le ya?

Yeremi 8:6

I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Yeremi 9:7

Maa lebɛlɛn diɛɛmule ndalen le co le diyɔɔ ni, còòlan kínɛí la co nda o lasondo ni, sondo yeelɛiyo nda nɔ a caanda ni, kɛ o kɔlta ndalan nin, a co nda yaŋɔɔla nɛyɔnndan hendullo.

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›