Yeremi 49:8 - BII BILA

⁸ «Vannda Dedan! La mulin mì la ɲaanun, mì la kɔ vionnun o buululan nin, kani dɛnɛ palaa ya hin niaa tuisi coo ni, niaa yungu Esau-vo pɛɛn! Telen ya co niaa mululɔn-ndo tiiya nuaa ni.

Yeremi 49:8 Referans Kwoze

Yeremi 25:23

Vanaa co Dedan-nda, haa Tema, haa Bus, a vanaa-vanaa sendin kangbalan,

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Yeremi 49:30

Mɛlɛka dimi aa: Vannda Hatsɔr, la ɲaanun mì la keleŋa lakɔ, mì la vennun o buululan nin. Kani Nebukanɛsar masaa Babilɔn tuu dɛnɛ vɔɔndo le niaa, o yiyan le isɔɔ tosa.»

Esai 21:13

Sɔɛi dimin o lɛŋnde Arabii len coo-e: «Niaa vanaa kelaa manɔnnaa bɛndua ha Dedan, la lɔlnin o yondolan Arabii nin!

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Yeremi 49:32

Yaamɔa biwnin ɲɔɔmɛɛa ndaa a cɔlua ndaa bana-banaa. Bolofaa cɔw nda cuanin-ndo vanin kon ni. I pialnin nda mà sɛŋin ba-ba fee, vanaa nɔ haa kangbala sendiaalan-nda pɛɛn. I tuisinin nda dɛnɛ palaa coo fulaa ba-ba fee.» Sɔɛi fula Mɛlɛka o sondo-e co ken ni.

Yeremi 48:44

«Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

Yeremi 48:28

Niaa Moabua, la mal kobilan mì la kɔ cal o powta kpovalan coo. La tuula piiŋaa tangul vaaŋii ndɛi nɛɛ feke-fekea o buululan coo-a.

Yeremi 48:6

La ɲaanun mì la ciindiaa yoomula niaalan, mì la kɔ va o lɛŋnde veselɛilen nin maa sofɛlɛa yondo!

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

1Samiɛl 13:6

Lɔ́ɔ́ Israɛlla ce maa dɛnɛ palaa co nin hunɔɔ le nda delɔɔ coo-o, mí vannda kɔa vionnɔnndo o powta kpovalan bɛngu, o buululan nin, o bɔɔlan bɛngu, o bóltan nin a o soonndan nin.

Masaa kialaa n'yamaa 6:2

Mí Madiannda tuisi Israɛlla sangaa coo. Le Madiannda hiɔlɔnndo, mí Israɛlla sɔɔndian, má kɔa o bólta bɛndula co o pembon tɛɛn-ndan nin, má kɔ cal o buululan nin a o powta kpovala bɛndu-bɛndulan coo.

Esai 34:5

Mɔɛi cɔvii nii hin yingo-yingo cɔnɔnndo o halataala, tofa vɔ, mɔɛi nii cɔvii ken i toalnin Edɔmnda coo, i toalnin vanaa ya kɛsi kan le nda diwvo-a coo, le nda yamɛi kilullo.

Esekiɛl 25:13

lelan, nuaa Maalii Hala dimi ni aa: ‹I heelu ba nuu le Edɔmnda lɔɔ, i ciinin vanndacieea a cɔlua co lon-nda. I tɛɛmbuunin lɛŋnde len kandɔɔ a kobio Teman kɔlan háá a kobio Dedan. Vanaa kan kpow a vunin o mɔɛi cɔwve bɛngu.

Malasi 1:3

mí kɛɛ Esau. Mí tuisi vanaa ndɔa co icali o pembon coo-a dɛnɛ palaa coo. Mí mal nda tivolaa co o lɛŋnde veselɛilen nin-nda o ba.

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.