Yeremi 49:3 - BII BILA

³ Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

Yeremi 49:3 Referans Kwoze

Yeremi 48:7

Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Yeremi 48:37

Kani vanpiaandua kpow a sendin tembeltan a siaiyon. A keŋnun vaasan o balan, má vownun volɔɔla dɛnɛ palaalan.

Esai 15:2

Vannda co helɔɔ o cɛi máándo nin, a co kɔlan Dibɔn. A co kɔlan o fondala soolaalan le caŋndo, vannda hel Nebo a Medeba ma va somisominndo. Vannda kpede a sendi bolle, nda kpow a sendi siaiyon.

Yeremi 46:25

Mí Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co Amon simul, mì simul hala co Tɛb-o, mì simul masaa Esipte, halaa ndɔa a simlacia ndɔa, mì simul masaa Esipte a vanaa tiindan ndu-a.

Yeremi 4:8

Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

2Masaa 23:13

Mó tɛɛmbuu vɛlɛ tombun va Yerusalɛm ciee-lekɔɔ o Pembii oliviei a ba too-on. Salomɔn masaa Israɛl ndóò tangul mun ni le Astartee piɔm nɔɔlɛi Sidɔnnda, le Kɛmɔs piɔm nɔɔlɛi Moabua a le Milkɔm piɔm bɛɛtambɛi Amɔnnda.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

1Masaa 11:5

Mí Salomɔn mulin Astartee, hala laandu Sidɔnnda a Milkɔm, hala lamàà Amɔnnda sooloo.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Amɔs 1:15

A biinin masa ndaa pila a simlacia ndaa, ma kɔɛ a nda o cɛlen nin.» Lende Mɛlɛka dimi ni.

Yeremi 51:8

Fɔ́ɔ́fɔ̀, mì Babilɔn del, mò piɔsi! La mɛli ndu yeelan coo. La sui ndu koovan o boolɔnndan, bɔɔle mò sengu.

Yeremi 49:1

Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Yeremi 48:20

A mululnin niaa aa: ‹Moab cuu piɔl vɔ́-vɔ́! Siɛmbula bɛndulan la bii lɛŋnde len.› La yonda le vanaa malaa veeloo! La yonda ndi o peo Arnɔn kɔngɔ maa Moab cuu itambu!

Yeremi 48:2

Ɲɛ va Moabua hɔlla heeloo-o cuu. Vannda tuu sɔɔn kɔlvesɛiyon le kobio Hɛsbɔn, má va dimio aa: ‹N kɔnnun mì n kɔ ɲumi kobi kon vanaa-mangalaa-isɔɔ tɛɛn!› Nɔm kobio Madmɛn bɛɛ, a tambunin, kani cɔwvo co nɔm kɔɔli.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Esai 23:6

Niaa co icali o mɛmma ihɛllan kɔngɔ-a, la taŋ-ndɔ mì la kɔɛ háá Tarsis. La kɔ mì la kɔ hiila hiko-hiko a caŋndo.

Esai 23:1

Sɔɛi dimin o kobio Tir coo-e co hee ni aa: «Niaa vanaa co kelaa yulalen o mɛnndan coo Tarsis-a, la somisomin! Kani fonda niáá tiindan-ndo piɔl vɔ́-vɔ́! Hali cɛiyo ndu pilɛ, o lo lɛ lon te! Tuma nda va cɔnɔnndo o lɛŋnde Kitim-nden nin le muungoo-o nda saalun fonda niaa kon ni.

Esai 16:7

Lelan vannda Moab a somisominin a caŋndo o lɛŋnde Moab len coo ni, nda kpow a koŋulnin. La co cɛɛŋɔnndo le fùlúfúlùla n'rɛsɛnndan Kir-Haresɛt, bau fùlúfúlùla lan la ve lɛnin te.

Esai 14:31

Lelan, niaa vanaa co o diola luɛyaalan-nda, la somisomin! Niaa co o kobilan nin-nda, la cɛɛŋun mì la ŋɔɔcian! Niaa co o lɛŋnde Filistia nin-nda, la ɲiiya! Kani kumnde co cɔnnɔnndo a ba luaŋ-ndo, vanaa cɔwva co a sɔsɔŋaa o polama yaamɔaa niaa nin.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Yosue 8:28

Mí Yosue loam Ai, mó siinguu ndu ciee pɔmndo le lɔ́ɔ́-lɔ́ɔ̀, háá paalen nden vanaciee cel lɛ lon te.

Yosue 7:2

A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.

Yosue 8:1

Mí Mɛlɛka dimul Yosue aa: «Siòòŋii bii nɔm te, vu n'dial te. Cua vanaa nɔmaa cɔwva kpow, mì la kɔ del kobio Ai coo a cɔwvo. Kani i cii kobi kalaa, masa ndɔɔ, vanaa ndɔa a lɛŋnde ndɔlen kpow malɔɔ nɔm o ba.

2Samiɛl 11:1

Tuma sialte taselen, telen masaa ndáà can le cɔwlan tosaa-o, mí masaa David viam Yoab a vanaa va ndu o ba bɛngu-a, má kɔ diw Amɔnnda diwvo pila, má tiila kobio Raba. Kɛ mí David ndu lo Yerusalɛm.

Ɛsdras 2:28

vanpiaandua fula Betɛl-la a á fula Ai-ya va kɛmɛ lediin a bidiin a à yaa (223),