Yeremi 49:2 - BII BILA

² Lelan sɔɛi fula Mɛlɛka o sondo-e co hee ni aa: «Paale vanin mì vannda tuei vóólun-vóólun cɔwvo Raba o kobi lebol Amɔnnda nin. Kobi kon siŋnunnin bémbélan, mà lom cieon pɔmbɔn balu ndu-on. O telen kon Israɛlla minginnin ɲɛm ndan o laba.» Mɛlɛka dimi lende ni.

Yeremi 49:2 Referans Kwoze

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Esekiɛl 21:20

Haliko mi kɔltan la laasian nda nin, mì tɛɛmbuula ndalan la vangalan. I cumulnin nda o diola luɛyaalan kpow sondoo a mɔɛi cɔwve o ba. Mɔɛi cɔvii ken toosian le volio ŋuandi-ŋuandi, i co iyikpaa tɛm-tɛm le diyɔɔ.

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

Amɔs 1:14

Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.

2Samiɛl 11:1

Tuma sialte taselen, telen masaa ndáà can le cɔwlan tosaa-o, mí masaa David viam Yoab a vanaa va ndu o ba bɛngu-a, má kɔ diw Amɔnnda diwvo pila, má tiila kobio Raba. Kɛ mí David ndu lo Yerusalɛm.

Yeremi 49:1

Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Condii lisai 97:8

Vannda Siɔn tuɛinin ken mà dɔwnun ɲaale, kobila co o tàndá Yuda-o nin-ndan la naŋnin kɔl le yaman Mɛlɛka kialunin-ndon.

Condii lisai 48:11

Òó Hala, lisa nɔmndo tiiya o lɛŋnden mɛɛlulan di mɛɛ diola nɔmndan la tiiya lon yɛ. Ba kɛndɛ nɔmndo co o piaa cá a dɛnɛ sandaa.

Kundalan 21:25

Mí Israɛlla hialu kobila lan kpede, má bii kobila Amoriia kpow, handɔɔ kobio Hɛsbɔn a cieon va o ba ndɔɔ bɛngu-on lecoo.

Abdia 1:19

Yudaa hialunin lɛŋnde n'pembule Edɔm-nden a ba too, mà hɛlu vɛlɛ dɛngbɛla co o tàndá Filistia nin-ndan, mà hun cal o tàndá Efraim-ndo nin, Samari pɛɛn. Polale Bɛnyamɛn-nden le hialunin Kalaad.

Kundalan 10:9

Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

Tɔŋ miingua 13:16

la bɛnda mì la diw vanndacieea a cɔlua co o kobi kon nin-nda a mɔɛi cɔwve. La bɛnda mì la tɛɛmbuu kobi kon a ɲɛ-ɲɛ co lenin le Mɛlɛka.

Yosue 17:11

Kobila Manase sɔla o tàndá Isakar nda Asɛr-o nin-ndan la va lan ni: Bɛt-Sean a kobila va ndu o ba bɛngu lan, Yibleam a kobila va ndu o ba bɛngu lan, vannda o kobio Dɔr a kobila va nda o ba bɛngu lan, vanaa va Ɛin-Dɔr-a a kobila va nda o ba bɛngu lan, a va Taanak-a, a va Mekido-a a kobila va nda o ba bɛngu lan.

Yosue 17:16

Mí poaa Yosɛf-a dimul ndu aa: «Tàndá n'pemboo tiw naa le, hiovɔɔ o kon coo, ɲɛla ɲaanannda n'cilinndan la co Kanaŋaa co icali o bóllo nin-nda kpow o ba, la co haa Bɛt-Sean a á co o kobila co ndu o ba bɛngu lan nin-nda o ba, la co vɛlɛ a co o bóllo Yisreɛl nin-nda o ba.»

Esai 17:1

Sɔɛi Mɛlɛka dimi le tambii Damas-e-e co hee ni: O lo ɲɛ-pɔmbɔ cobe, Damas ve lɛnin kobi le, kɛ o siŋnunnin bémbélan kposon!

Esai 11:14

Kɛ a cɛlannin, mà kɔ del Filistia coo a ba paalen le del-lo, a poondanin ɲɛm vanaa co a ba paalen le can-ndo-a diom pilɛ, a soaŋnin Edɔmnda a Moabua soŋɔ̀ɔ́ pila, a nɔlanin poaa Amɔnnda mà kɛsin nda o labɛngunin.

Esekiɛl 21:25

Tuula nɛiyo haliko mi cɔwvo luɛi o kobio Raba nin, kobi pɔaa Amɔnnda pɛɛn, mò luɛi vɛlɛ Yerusalɛm. Kobi co kon o kungaa a kpakio o tàndá Yuda-o nin-ndo pɛɛn.