Yeremi 49:16 - BII BILA

¹⁶ La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 49:16 Referans Kwoze

Amɔs 9:2

Taa ɲaanun pɛ mà kɔ luɛi ciee-piɔ́m, ba nuu kɔ solinin nda lon pó! Taa hel pɛ o halataalaa nin di-di, i tuisinin nda cili!

Esai 49:25

Mɛlɛka dimi aa: «Oi! Ɲɛ kuubanɔɔ bii-o puununnin ndu o ba. Vana masa kɔlvesɛiyo bii-o hialunnin ndu. I cɔlɔbanin yaamɔaa nɔmnda mì ciindiaa poaa nɔmnda.

SƐBƐ YƆB-O 39:27

Mò va maa nɔm ke kovɔ́ɔ̀ kɔlkaloo le helɔɔ coocoo, le vɛɛnnden tangullo ni?

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

2Masaa 14:7

Ndu Amasia kon koni dii vanaa cɔvaa Edɔmnda vaalan tɔ́ o Ból Ihɛllo nin ni. A lo cɔwvo, mó bii kobio Sela, mó mingi kobi kon diolan aa Yɔkteɛl, diola lan o nɔ vɔ háá paalen nden ni.

Esai 10:14

Ba nuu cɔwviaa bolofaa vanaa-mangalaa-isɔɔa mɛɛ vana cua vɛɛnnden nuaa yɛ. I punga lɛŋnden kpow mɛɛ vana punga pelta yowla sɛŋianndan yɛ, hali vanndo ndu pilɛ o ve le kumbanndo hiiloo le, vana-vana ve le cɔcɔɛi kumbio le, vana-vana kuŋ te, o soli le!›

Yeremi 49:15

Niaa Edɔmnda, i co niaa dɔɔniaa, hiovɔɔ vanaa-mangalaa-isɔɔa kpow coo, mì vannda kpow kelun niaa yii.

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Yeremi 51:53

Hali Babilɔnnda hel bɛɛ coocoo o halataala, mà kɔ siinguu lon nɛɛ ndaa viannannda, mà kindan kpakilan kɔɔli, vanaa tɛɛmbuuaa komalnin nda lon di. Ya viamnin nda ni.» Sɔɛi fula Mɛlɛka o sondo-e co ken ni.

Habakuk 2:9

Dangaa co le niaa! La co ɲɛm pilan cɔwviaa a kafalan le kɔlan cɛila niaalan tangullo nɛɛ kɛndɛ-kɛndɛa yɔŋii dɛnɛ palaa komal niaa.

Malasi 1:3

mí kɛɛ Esau. Mí tuisi vanaa ndɔa co icali o pembon coo-a dɛnɛ palaa coo. Mí mal nda tivolaa co o lɛŋnde veselɛilen nin-nda o ba.

Yeremi 48:14

«Niaa Moabua, le yɛɛ niaa co yɛ dimio aa: ‹Vanaa cɔvaa mayoomua kpeekpeyaa caa cɔwvo-a naa n co ni?›