Yeremi 49:13 - BII BILA

¹³ I mɛnan a ya pila, Bɔsra siŋnunnin fonda dɛnɛ palaa, mò muungu bémbélan kposon. Ndu vannda vanin tɔɔmaseloo cuaa le dangaa dɔvɔɔ, te kon te le vannda siɛmbulan tuisio ni. Kobila balu ndu lan la siŋnunnin bémbélan le fɛɛn a fɛɛn.» Sɔɛi Mɛlɛka dimi-e co ken ni.

Yeremi 49:13 Referans Kwoze

Esai 34:6

Mɔɛi cɔvii Mɛlɛka-e co i lɔngɔlannde a koovan, i co i lindan lingili a cuɛima n'visian, i co i lindaa a kooma saa téndéa a ma cuinaa toovia, i lɔngɔlian a cuɛima vongama saa kóndóa. Kani cɔlua sálàá co Bɔsra le sálà Mɛlɛka-o solio, vannda co o lɛŋnde Edɔm-nden nin taw le nda diwvo.

O Kandɔɔ 36:33

Mɛɛ o vi, mí Yobab, po Sera fula Bɔsra-o koma sul masaa o fonda ndɔɔ.

O Kandɔɔ 22:16

mó dimul ndu aa: «I mɛnan o diola nilan, ya Mɛlɛka co sɔɛi ni, kani á tuŋ ya po nɔm pilɔɔ le. Le tùú n tosa kon-ndo,

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Amɔs 1:12

Lelan, i co yinnden malɔɔ mì le lom kobio Teman, mì le lom vɛlɛ cɛila lemasalan Bɔsra.»

Yeremi 49:22

Mɛɛ kovɔ́ɔ̀ hel coocoo pɔ́, mò pɛɛnga kumbanndan, mò hiŋnun yɛ yaamɔɔa co Bɔsra mɛngɛlaa ni. Paale len, kɔlta kuubaa cɔwva Edɔm la vanin maa kɔl vanalanɔ co le violɔɔ-o.»

Yeremi 44:26

Lelan, niaa Yudaa co icali o lɛŋnde Esipte len nin-nda kpow, la yaŋnun diom ya Mɛlɛka co niaa dimullo-o: I cii mɛnan o diola nila bɛndu lan maa o lɛŋnde Esipte len nin kpow, vanaa-vanaa fula Yuda, vana-vana bɛnda lɛ mo pɛl-la diolan o mɛnanndo, mò dimi le aa: «Le Maalii Hala yoomaa.»

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Esai 45:23

I mɛnan a ya pila, toɲaa co fulaa ya o sondo, nduyɛ sɔɛi fula ya o sondo-e i sandu, sɔɛi ken i feŋan lecoo le: vulan kpow la baŋnunnin ya o labɛngunin, diɛɛmuei kpede i mɛnannin o diola nilan.

Abdia 1:18

Yungu Yakɔb-o siŋnunnin maa leyin, mì yungu Yosɛf-o siŋnun maa yinnde biyaa. Kɛ mì yungu Esau-vo ndu siŋnun maa tɛw, mì yinnden le lom nda kpúlúká. Vana pilɛ bɛɛ helunnin te. Ya Mɛlɛka dimi lende ni.»

1Dɛnnda lemasalan 1:44

Bela vuo, mí Yobab po Sera fula Bɔsra-o koma sul masaa o fonda ndɔɔ.

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Yeremi 51:14

Mɛlɛka-Nɔ-Kpaayaa-Kpow-vo cii mɛnan aa: ‹Te lekɛ́ndɛi Hala ya co ni, i co tosa mì vannda hinul nɔm fili-fili maa n'sóónɔ, mà yonda le nɔm delɔɔ coo a cɔwvo.›

Yeremi 48:24

Keriɔt, Bɔsra a kobila kɛ́-kɛ̀ co o lɛŋnde Moab len nin, la co macɛlu lan a la co levil tan.